पंढरपूर येथे कार्तिकी एकादशी यात्रेनिमित्त होणारी भाविकांची गर्दी लक्षात घेता एसटी महामंडळाने जादा बसगाड्यांचे नियोजन केले आहे. महाराष्ट्र राज्य मार्ग परिवहन महामंडळाच्या नाशिक विभागामार्फत भाविकांच्या सोयीसाठी ही व्यवस्था करण्यात आली आहे.
४५ भाविकांचा समूह असल्यास थेट बस
एखाद्या गावातून ४५ प्रवासी भाविकांचा समूह एकत्र आल्यास थेट त्या गावातून पंढरपूरसाठी बस उपलब्ध केली जाणार आहे. तसेच बसस्थानकावर ४५ प्रवासी उपलब्ध झाल्यास तेथूनही पंढरपूरसाठी जादा बस सोडण्याचे नियोजन एसटी प्रशासनाने केले आहे. या विशेष बससेवेचा लाभ घेण्यासाठी प्रवाशांनी आपल्या तालुक्यातील आगार व्यवस्थापकांशी संपर्क साधावा, असे आवाहन नाशिक विभाग नियंत्रकांनी केले आहे.
मंगळवार, १७ नोव्हेंबरपासून २६ नोव्हेंबर २०२६ या कालावधीत ही यात्रा भरणार असून, २१ नोव्हेंबरला भागवत एकादशीचा मुख्य दिवस आहे.
आगारनिहाय संपर्क
नाशिक-१ आगारासाठी नीलेश चौधरी (९९६०५२३५८१) आणि हेमंत नेरकर (९४२०६१५२८७) यांच्याशी संपर्क साधता येईल. नाशिक-२ साठी रितेश फुलपगारे (७७२१०२९९३९) आणि विक्रम नागरे (८१४९५१४९२२) यांची नावे देण्यात आली आहेत. मालेगाव आगारासाठी विजयकुमार पाटील (९९२२८६८७९१) आणि मनमाडसाठी संदीप बेलदार (९३७०७०८६६९) यांच्याशी संपर्क साधण्याचे आवाहन करण्यात आले आहे.
Leave a Reply