राज्यात सध्या गोकुळ निवडणूक चर्चेचा विषय ठरली आहे. या निवडणुकीत मत चोरी झाल्याचा आरोप करण्यात आला आहे. विशेष म्हणजे हा आरोप विरोधकांनी नव्हे, तर सत्ताधाऱ्यांनी केला आहे. सतेज पाटील यांनी मत चोरी करून १३ संचालक निवडून आणल्याचा ठपका मंत्री चंद्रकांत पाटील यांनी ठेवला आहे.
देशात काँग्रेस नेते राहुल गांधी हे एसआयआर आणि मत चोरीच्या मुद्द्यावरून सतत चर्चेत आहेत. त्याच पार्श्वभूमीवर गोकुळ निवडणुकीतही मत चोरीचा आरोप समोर आला आहे. चंद्रकांत पाटील यांनी सतेज पाटील यांना आव्हानही दिले आहे. मुख्यमंत्री देवेंद्र फडणवीस यांनी आदेश दिला, तर सतेज पाटील यांच्याविरोधात कोल्हापुरातील कोणत्याही मतदारसंघातून निवडणूक लढवून त्यांचा पराभव करण्याचे आव्हान त्यांनी दिले.
हिवाळी अधिवेशनाच्या पहिल्याच दिवशी विदर्भवाद्यांचा मोर्चा
विधिमंडळाचे हिवाळी अधिवेशन ७ डिसेंबरपासून नागपूरला सुरू होणार आहे. या अधिवेशनाच्या पहिल्याच दिवशी विदर्भवादी विधान भवनावर धडकणार आहेत. विदर्भ आंदोलनाची धग केंद्र सरकार आणि राज्य सरकारपर्यंत पोहोचवण्याचा त्यांचा प्रयत्न आहे. यासाठीची तयारी विदर्भवाद्यांकडून सुरू झाली आहे.
राज्यात आजचे इंधन दर
आंतरराष्ट्रीय बाजारातील घडामोडींमुळे देशभरातील पेट्रोल आणि डिझेलच्या किंमतींवर परिणाम होताना दिसतो. आज राज्यातील काही ठिकाणी पेट्रोलचे दर असे आहेत — नाशिक ११२.२४ रुपये, धाराशिव ११२.४५ रुपये, पालघर ११२.०४ रुपये, परभणी ११३.१६ रुपये, पुणे १११.९० रुपये, रायगड १११.४६ रुपये, रत्नागिरी ११३.१७ रुपये आणि सांगली ११२.४४ रुपये. डिझेलचे दर नाशिक ९८.८९ रुपये, धाराशिव ९९.११ रुपये, पालघर ९८.६६ रुपये, परभणी ९९.८३ रुपये, पुणे ९८.५५ रुपये, रायगड ९८.११ रुपये आणि रत्नागिरी ९९.८३ रुपये असे आहेत.
स्रोत: मूळ बातमी
Leave a Reply