सॅमसंगचे नवे एआय चष्मे: किंमत, फीचर्स जाणून घ्या

तंत्रज्ञान क्षेत्रातील आघाडीच्या कंपनीने आपले नवे इंटेलिजेंट आयवेअर जागतिक बाजारात सादर केले आहेत. हे स्मार्ट चष्मे जेंटल मॉन्स्टर आणि वॉर्बी पार्कर यांच्या सहकार्याने तयार करण्यात आले आहेत. हे उपकरण फॅशन आणि तंत्रज्ञानाचे अनोखे कॉम्बिनेशन आहे. यात वापरकर्त्यांना रोजच्या जीवनात वापरल्या जाणाऱ्या चष्म्याचा लूक आणि स्मार्ट फीचर्स एकाच ठिकाणी मिळणार आहेत. या रेंजमध्ये एकूण ३० डिझाइन सादर करण्यात आले आहेत, त्यामुळे वापरकर्ते त्यांच्या पसंतीनुसार उपकरणाची निवड करू शकतात.

काय आहेत फीचर्स

या स्मार्ट चष्म्यांमध्ये क्वालकॉमचा स्नॅपड्रॅगन एआर १ जेन १ चिपसेट देण्यात आला आहे. यामध्ये एका बाजूला १२ मेगापिक्सेलचा एचडीआर कॅमेरा मिळणार आहे, जो ३:४ रेशियोमध्ये फोटो क्लिक करू शकतो. यामुळे ३के रेजोल्यूशनवर ३० फ्रेम प्रति सेकंदपर्यंत आणि एचडीआर सपोर्टसह २के व्हिडीओ रेकॉर्डिंग देखील करता येईल. याशिवाय या उपकरणामध्ये ड्युअल ओपन-ईअर स्पीकर आणि चार मायक्रोफोन देण्यात आले आहेत. चष्म्यामध्ये २ जीबी रॅम आणि ६४ जीबीचे इंटरनल स्टोरेज देखील मिळणार आहे. कंपनीने दिलेल्या माहितीनुसार, एकदा चार्ज केल्यानंतर हे उपकरण ९ तासांची बॅटरी लाइफ देऊ शकते. तर चार्जिंग केससह या उपकरणाची बॅटरी लाइफ ७२ तासांपर्यंत असू शकते.

कोणत्या फोनसोबत चालतील

कंपनीने दिलेल्या माहितीनुसार, या चष्म्यांचा वापर गॅलेक्सी एस, गॅलेक्सी एस एफई आणि गॅलेक्सी झेडएन सिरीजमधील वन यूआय ९.० किंवा नव्या वर्जनने सुसज्ज असलेल्या स्मार्टफोनसोबत करता येईल. याशिवाय, अँड्रॉईड १७ किंवा नवीन वर्जन असलेले गूगल पिक्सेल ७ आणि नवीन मॉडेल देखील या उपकरणासोबत काम करू शकतात. तसेच, आयफोन १३ आणि त्यानंतरच्या ज्या मॉडेलमध्ये आयओएस २६.६ किंवा नवीन वर्जन आहे, अशा मॉडेलसोबत चष्म्यांचा वापर करता येईल.

किंमत आणि उपलब्धता

या स्मार्ट चष्म्यांची किंमत डिझाइन आणि ब्रँडिंगच्या हिशोबाने ठरवण्यात आली आहे. वॉर्बी पार्कर मॉडेलची सुरुवातीची किंमत ३९५ डॉलर म्हणजेच सुमारे ३७,००० रुपये आहे. तर जेंटल मॉन्स्टर मॉडेलची सुरुवातीची किंमत ४४९ डॉलर म्हणजेच सुमारे ४२,००० रुपये आहे. या उपकरणाच्या टॉप मॉडेलची किंमत ४८९ डॉलर म्हणजेच सुमारे ४६,००० रुपये आहे. वापरकर्ते हे नवीन उपकरण संबंधित ब्रँडच्या ऑनलाइन आणि ऑफलाइन स्टोअर्समधून खरेदी करू शकतील. याव्यतिरिक्त, १० डिसेंबरपासून निवडक स्टोअर्समध्ये प्रत्यक्ष अनुभव घेण्याची सुविधा उपलब्ध असेल. त्याच दिवशी उपकरणाची विक्री देखील सुरू होणार आहे.

स्रोत: मूळ बातमी