छत्रपती संभाजीनगरचे पालकमंत्री आणि राज्याचे सामाजिक न्यायमंत्री संजय शिरसाट यांच्या बंगल्याबाहेर हल्लेखोरांनी धुडगूस घातला. हल्लेखोरांनी बंगल्यावर दारूच्या बाटल्या फेकल्या. ही घटना दिवसाढवळ्या घडल्याने खळबळ उडाली आहे.
सुरक्षा रक्षकांशी झटापट
बाटल्या फेकल्यानंतर सुरक्षारक्षक आणि हल्लेखोरांमध्ये जोरदार झटापट झाली. या झटापटीत एक सुरक्षा रक्षक किरकोळ जखमी झाला. या घटनेचे सीसीटीव्ही फुटेजही समोर आले आहे. पोलिसांनी तीन आरोपींना अटक केली आहे.
पालकमंत्र्यांचा पोलीस प्रशासनावर संताप
आपल्या घरावर झालेल्या हल्ल्यानंतर पालकमंत्री शिरसाट यांनी पोलीस प्रशासनाच्या कारभारावर संताप व्यक्त केला. या घटनेमुळे शहरातील कायदा आणि सुव्यवस्थेचा प्रश्न पुन्हा एकदा ऐरणीवर आला आहे. या घटनेवर संजय राऊत यांनी प्रतिक्रिया दिली असून उदय सामंत यांनीही आपली भूमिका मांडली आहे.
स्रोत: मूळ बातमी
Leave a Reply