आदिवासी विकासमंत्री अशोक उईके यांनी माजी आदिवासी विकासमंत्री डॉ. विजयकुमार गावित यांच्या निवासस्थानी जाऊन सदिच्छा भेट घेतली. या वेळी विविध विषयांवर चर्चा झाली. ही भेट नंदुरबार येथे झाली.
खटवाणी येथे वाडीधाम प्रेरित श्री भाथीजी महाराज यांचा ५७ वा प्रगट जन्मजयंती महोत्सव साजरा होत आहे. या निमित्ताने मंत्री अशोक उईके नंदुरबार जिल्ह्यात आले होते. यादरम्यान त्यांनी आमदार डॉ. विजयकुमार गावित यांची भेट घेतली. या वेळी माजी खासदार डॉ. हीना गावित आणि भाजप अनुसूचित जमाती मोर्चाच्या प्रदेश उपाध्यक्ष डॉ. सुप्रिया गावित यांनी त्यांचे स्वागत केले.
स्थानिक प्रश्न आणि विकासकामांवर चर्चा
भेटीदरम्यान आमदार डॉ. गावित यांच्याकडून मंत्री उईके यांनी स्थानिक प्रश्न तसेच अन्य माहिती जाणून घेतली. निधीअभावी आदिवासी विकास विभागाच्या जिल्ह्यातील रखडलेल्या विकासकामांबाबत डॉ. विजयकुमार गावित आणि डॉ. हीना गावित यांनी मंत्री उईके यांच्याशी चर्चा केली. या भेटीप्रसंगी त्यांच्यासमवेत आमदार राजेश पाडवी आणि स्थानिक भाजप पदाधिकारी, कार्यकर्ते तसेच नगरसेवक उपस्थित होते.
जिल्ह्याच्या विकासाला गती मिळण्याची अपेक्षा
या भेटीत जिल्ह्यातील आदिवासी विकासाच्या रखडलेल्या कामांवर सविस्तर चर्चा झाल्याने त्यांना गती मिळण्याची अपेक्षा व्यक्त होत आहे. मंत्री आणि स्थानिक लोकप्रतिनिधी यांच्यातील या संवादातून जिल्ह्याच्या प्रश्नांवर तोडगा निघेल, अशी आशा कार्यकर्त्यांनी व्यक्त केली.
स्रोत: मूळ बातमी
Leave a Reply