चित्रपटसृष्टीत काम मिळवणं सोपं नसतं, आणि मुंबईसारख्या महागड्या शहरात टिकून राहण्यासाठी पैशांची गरज असते. आपल्या संघर्षाच्या दिवसांबद्दल बोलताना एका प्रसिद्ध अभिनेत्रीनं असा खुलासा केला आहे, ज्यामुळे अनेकांना धक्का बसला आहे. ग्लॅमरस स्टाइलसाठी ओळखली जाणारी अभिनेत्री शर्लिन चोप्रा हिने सांगितलं की, करिअरच्या सुरुवातीच्या काळात तिचे अनेक पुरुषांशी शारीरिक संबंध होते आणि ते तिनं पैशांसाठी ठेवले होते.
शर्लिन नेमकं काय म्हणाली?
शर्लिननं सोशल मीडियावर लिहिलं होतं की, पैशांच्या बदल्यात शारीरिक संबंधांसाठी तिला अनेक वेळा विचारण्यात आलं आहे. मी यापूर्वीही पैशांसाठी शारीरिक संबंध ठेवले आहेत. हा खुलासा मी स्वतःची प्रतिमा चांगली किंवा वाईट करण्यासाठी करत नाहीये. मी फक्त एवढंच सांगतेय की, आजही लोक माझ्याशी शारीरिक संबंधांसाठी संपर्क साधतात, पण मी आता त्या गोष्टी करत नाही, असं तिनं स्पष्ट केलं होतं.
तिनं पुढे लिहिलं होतं की, आता अशा गोष्टींसाठी तिच्याशी कोणीही संपर्क साधू नये. आधी पैशांसाठी ज्यांच्याबरोबर संबंध ठेवले होते, ते लोक तिला आता आठवतही नाहीत. चित्रपटसृष्टीत काम मिळवणं कठीण होतं आणि मुंबईत टिकून राहण्यासाठी पैशांची गरज होती, म्हणून हा पर्याय निवडल्याचं तिनं सांगितलं होतं. मात्र, तिनं स्वतःच्या या कृतीचं अजिबात समर्थन केलं नव्हतं.
शर्लिनची कारकीर्द
शर्लिन अनेकदा सार्वजनिक ठिकाणी बोल्ड कपड्यांमध्ये दिसते आणि सोशल मीडियावर खूप सक्रिय असते. तिच्या फोटो आणि व्हिडिओंमुळे ती नेहमी चर्चेत असते, पण त्याचमुळे तिला अनेकदा ट्रोलिंगचाही सामना करावा लागतो. तिच्या स्पष्टवक्तेपणासाठीही ती ओळखली जाते. शर्लिन कामसूत्र 3D, खेल, चमेली आणि पौरुषपूर यांसारख्या सिनेमांमधून प्रेक्षकांच्या भेटीला आली आहे.
स्रोत: मूळ बातमी
Leave a Reply