तीन फूट उंचीचे लोक, तीन फूट दरवाजे असलेले गाव

जगात एक असे गाव आहे, जिथे घरात शिरण्यासाठी मान वाकवावी लागते आणि मोठ्या माणसांना आत सरपटत जावे लागते. इराणमधील मखुनिक या गावाचा एक व्हिडिओ सध्या सोशल मीडियावर मोठ्या प्रमाणात पाहिला जात आहे.

हे गाव जगभरात ‘लिलिपुट गाव’ म्हणून ओळखले जाते. व्हिडिओमध्ये दिसते की येथील लोकांची सरासरी उंची सुमारे तीन फूट आहे. त्यामुळेच घरांचे दरवाजे फक्त तीन ते साडेतीन फूट रुंद ठेवलेले आहेत.

लोकांची उंची कमी का राहिली?

मखुनिक गाव सुमारे १५०० वर्षे जुने असून ते इराणच्या दक्षिण खोरासान प्रांतात अफगाणिस्तानच्या सीमेजवळ आहे. प्रदीर्घ काळ कुपोषण आणि आंतरविवाह यामुळे येथील लोकांची उंची कमी राहिली. पूर्वी येथील लोक सलगम, बार्ली आणि खजुरांवर जगत होते.

आता गाव बदलले आहे

आज मात्र चित्र बदलले आहे. मखुनिकचे बहुतेक लोक आता सामान्य उंचीचे आहेत. रस्ते बांधले गेले, चांगले अन्न उपलब्ध झाले आणि नवीन पिढी उंच होऊ लागली आहे. गावातील २०० जुन्या मातीच्या घरांपैकी ७० ते ८० घरे आजही उभी आहेत. हा व्हिडिओ पाहून अनेकांनी या गावाची तुलना गुलिव्हर ट्रॅव्हल्समधील लिलिपुटशी केली आहे; काहींनी तर हे गाव आपल्या भेट देण्याच्या यादीत टाकले आहे.

स्रोत: मूळ बातमी