मराठी चित्रपटसृष्टीतील लोकप्रिय अभिनेत्रींपैकी एक असलेल्या वर्षा उसगावकर यांनी त्यांच्या आयुष्यातील अनेक किस्से आणि घटनांचा उलगडा केला आहे. नुकत्याच दिलेल्या एका मुलाखतीत त्यांनी त्यांचे आई-वडील आणि कुटुंबाबाबत सांगितले.
आईची खास सवय
मुलाखतीदरम्यान त्यांनी त्यांच्या आईबद्दल सांगितले की, माझ्या आईला सारखे सारखे बैठका आणि कार्यक्रमांमध्ये जावे लागायचे. ती मंत्र्याची पत्नी असल्यामुळे नेते, मोठी माणसे आणि राज्यपाल यांच्याकडे येणे-जाणे होतच राहायचे. त्यामुळे आईला नीटनेटके राहण्याची सवय होती.
पुढे वर्षा उसगावकर म्हणाल्या की, मी आईला नटताना आणि टापटीप राहताना पाहिले आहे, त्यामुळे लहानपणापासून मला इच्छा असायची की मी अशी दिसणार, अशा बांगड्या घालणार आणि अशा साड्या नेसणार.
माझी आई सारखी सारखी आरशात पाहायची, तिला ते खूप आवडायचे आणि त्यातूनच स्वतःवर प्रेम कसे करावे हे मी शिकले. मलाही तशीच सवय लागली, असेही त्यांनी सांगितले.
गोव्यातील बालपण ते मुंबईतील रंगभूमी
गोव्यात जन्मलेल्या वर्षा उसगावकर यांनी वाणिज्य शाखेत पदवी घेतल्यानंतर अभिनय क्षेत्रात येण्याचा निर्णय घेतला. यासाठी त्यांनी खास दोन वर्षे नाट्यशास्त्राचे शिक्षण घेतले. त्यानंतर त्या मुंबईत आल्या आणि व्यावसायिक रंगभूमीवर त्यांनी अभिनयाला सुरुवात केली.
स्रोत: मूळ बातमी
Leave a Reply