लक्ष्मीपूजनाचा सण उलटून गेला असून आता राज्यातल्या लाडक्या बहिणींचे लक्ष ऑक्टोबर महिन्याच्या हप्त्याकडे लागले आहे. मुख्यमंत्री माझी लाडकी बहीण योजनेच्या पात्र लाभार्थी महिलांच्या खात्यात सप्टेंबर महिन्याचे १५०० रुपये जमा झाले आहेत. पण ऑक्टोबर महिन्याचे पैसे अजून मिळालेले नाहीत. त्यामुळे ऑक्टोबरचा हप्ता नेमका कधी जमा होणार, असा प्रश्न महिलांकडून विचारला जातोय.
सप्टेंबरचा हप्ता मिळाला, ऑक्टोबरची प्रतीक्षा
दिवाळीच्या पार्श्वभूमीवर राज्य सरकारकडून पात्र महिलांच्या खात्यात सप्टेंबर महिन्याचा १५०० रुपयांचा सन्मान निधी जमा करण्यात आला. दिवाळीआधी सप्टेंबर आणि ऑक्टोबर या दोन्ही महिन्यांचे मिळून ३००० रुपये मिळतील, अशी अपेक्षा महिलांना होती. मात्र प्रत्यक्षात फक्त सप्टेंबर महिन्याचा हप्ता जमा झाल्यामुळे ऑक्टोबरच्या हप्त्याची प्रतीक्षा कायम आहे.
तसेच, राज्यातल्या दुष्काळी परिस्थिती लक्षात घेता सरकारकडून शेतकऱ्यांना सरसकट ५००० रुपयांची आर्थिक मदत देण्यात आली. त्यामुळे लाडकी बहीण योजनेच्या ऑक्टोबर हप्त्याबाबत महिलांमध्ये संभ्रम निर्माण झाला आहे.
ऑक्टोबरच्या हप्त्याची संभाव्य तारीख
ऑक्टोबर महिन्याचा हप्ता २५ नोव्हेंबरपर्यंत पात्र महिलांच्या बँक खात्यात जमा होण्याची शक्यता व्यक्त केली जातेय. मंत्रिमंडळाच्या बैठकीत किंवा १० नोव्हेंबरपर्यंत सरकारकडून हप्त्याच्या निधीबाबत निर्णय झाल्यावर पैसे जमा होण्याची प्रक्रिया सुरू होऊ शकते. मात्र २५ नोव्हेंबर ही अधिकृत तारीख जाहीर झालेली नाही. त्यामुळे महिलांनी सरकारच्या अधिकृत घोषणेकडे लक्ष ठेवणं गरजेचं आहे.
समजा, नोव्हेंबर महिन्यात ऑक्टोबरचा हप्ता जमा झाला नाही, तर डिसेंबरमध्ये ऑक्टोबर आणि नोव्हेंबर या दोन्ही महिन्यांचे मिळून ३,००० रुपये जमा होण्याची शक्यता व्यक्त केली जात आहे. मात्र, याबाबतही सरकारकडून अधिकृत दुजोरा मिळालेला नाही.
स्रोत: मूळ बातमी
Leave a Reply