छत्रपती संभाजीनगरमध्ये यंदा एक अनोखी दिवाळी साजरी झाली. उपमुख्यमंत्री एकनाथ शिंदे यांनी स्वखर्चातून पाठवलेल्या आनंदाच्या शिध्याचे तांड्यावर वाटप करण्यात आले. मंत्री संजय शिरसाठ यांनी घरी दिवाळी साजरी न करता सहकुटुंब तांड्यावर जाऊन नागरिकांसोबत सणाचा आनंद घेतला. यावेळी त्यांनी स्वतःच्या हाताने आनंदाचा शिधा वाटप केला.
शिधा शासनाचा नाही, स्वखर्चातून दिला
विशेष म्हणजे, हा शिधा शासनाचा नसून एकनाथ शिंदे यांनी स्वखर्चातून दिल्याची माहिती संजय शिरसाठ यांनी दिली आहे. शिधा वाटपाच्या कार्यक्रमानंतर मंत्री शिरसाठ यांनी तांड्यावरील नागरिकांसोबत दिवाळीचा आनंद साजरा केला. घरी न राहता तांड्यावर जाऊन सण साजरा केल्याने स्थानिक नागरिकांमध्ये आनंदाचे वातावरण होते.
स्रोत: मूळ बातमी
Leave a Reply