निवृत्तीनंतर किंवा कोणत्याही जोखमीशिवाय दरमहा खात्रीशीर कमाई करायची असेल, तर पोस्ट ऑफिसची मासिक उत्पन्न योजना एक उत्तम पर्याय आहे. या योजनेच्या माध्यमातून घरबसल्या निश्चित मासिक व्याज मिळवता येते. या योजनेत कोणतेही आर्थिक जोखिम नसून तुमचे पैसे पूर्णपणे सुरक्षित राहतात, ही या योजनेची सर्वांत मोठी जमेची बाजू आहे.
सध्या या योजनेवर वार्षिक ७.४ टक्के व्याजदर दिला जात असून, पाच वर्षांच्या मुदतीत खात्रीशीर मासिक उत्पन्न मिळते. या योजनेत एकूण नऊ लाख रुपयांची एकरकमी गुंतवणूक केल्यास दरमहा पाच हजार पाचशे पन्नास रुपयांचे व्याज मिळवता येते. त्यामुळे नियमित घरगुती खर्च भागवण्यासाठी ही योजना सेवानिवृत्त व्यक्तींसाठी अत्यंत उपयुक्त ठरते.
पाच वर्षांआधीही पैसे काढता येतात
गरज भासल्यास पाच वर्षांआधीही पैसे काढता येतात, मात्र खाते उघडल्यानंतर किमान एक वर्षाचा काळ पूर्ण होणे बंधनकारक आहे. शेअर बाजारातील धोके टाळून नियमित घरगुती खर्च भागवायचा असेल, तर ही योजना सेवानिवृत्त व्यक्तींसाठी उपयुक्त ठरू शकते. जोखीम न घेता निश्चित उत्पन्न मिळवू इच्छिणाऱ्यांसाठी पोस्ट ऑफिसची ही योजना एक चांगला पर्याय मानली जाते.
स्रोत: मूळ बातमी
Leave a Reply