गोकुळचा वाद रस्त्यावर; ९ नोव्हेंबरला कोल्हापुरात मोर्चा

गोकुळचा सत्तासंघर्ष आता थेट रस्त्यावर येणार आहे. महायुती सरकारने थेट सहकार कायद्यात बदल केल्यामुळे सतेज पाटील यांच्या समविचारी आघाडीला गोकुळच्या सत्तेपासून दूर राहावे लागणार आहे. या पार्श्वभूमीवर सरकारच्या शासन नियुक्त सदस्यांच्या निर्णयाविरोधात संघर्ष मोर्चा काढण्याची घोषणा सतेज पाटील यांनी केली आहे.

मोर्चाची घोषणा

कोल्हापुरात ९ नोव्हेंबरला जिल्हाधिकारी कार्यालयावर हा मोर्चा काढण्यात येणार आहे. गोकुळच्या वेढ्यातून आपण यशस्वीपणे बाहेर पडणार असल्याचा निर्धारही सतेज पाटील यांनी व्यक्त केला आहे. त्यामुळे आता हा वाद आणखी चिघळण्याची शक्यता आहे.

शासन नियुक्त सदस्यांवरून वाद

राष्ट्रवादीचे नेते हसन मुश्रीफ आणि काँग्रेसचे नेते सतेज पाटील यांच्यामध्ये चार शासन नियुक्त संचालकांच्या मुद्द्यावरून कोंडी निर्माण झाली आहे. या वादामुळेच गोकुळच्या सत्तासंघर्षाला नवे वळण मिळाले आहे.

स्रोत: मूळ बातमी