जळगावात रोटरी ग्रीनसिटीची नेतृत्व प्रशिक्षण कार्यशाळा

जळगावातील गणपती नगर येथील रोटरी हॉलमध्ये क्रॉप (सीआरओपी) प्रशिक्षण कार्यशाळेचे आयोजन करण्यात आले होते. रोटरी क्लब ऑफ जळगाव ग्रीनसिटीने ही कार्यशाळा आयोजित केली. रोटरी डिस्ट्रिक्ट ३०३० चे गव्हर्नर डॉ. राजेश पाटील यांच्या संकल्पनेतून ही कार्यशाळा झाली असून, तिच्या यजमानपदाचा बहुमान रोटरी क्लब ऑफ जळगाव ग्रीनसिटीला मिळाला.

नेतृत्व विकासावर सत्रे

रोटरीचे ध्येय-धोरणे, नियम, कार्यपद्धती, कार्यरचना, विविध सेवा क्षेत्रे, नेतृत्व विकास, नेटवर्किंग, शिष्टाचार, सीएसआर आणि ग्लोबल ग्रँड यासारख्या महत्त्वाच्या विषयांवर सत्रे झाली. रोटरी फाउंडेशन डिस्ट्रिक्ट सेक्रेटरी अनिरुद्ध पालदीवाल, माजी अध्यक्ष अजय नरकेसरी (नागपूर) तसेच रोटरी जळगाव गोल्डसिटीचे माजी अध्यक्ष आणि प्रेरणादायी वक्ते सतीश मंडोरा यांनी मार्गदर्शन केले.

नवीन सदस्यांसाठी दिशा

रोटरीच्या विविध क्लबमधील नवीन सदस्यांना रोटरीच्या कार्यप्रणालीची नेमकी दिशा मिळावी, त्यांचा सामाजिक उपक्रमातील प्रत्यक्ष सहभाग वाढावा आणि भविष्यातील सक्षम नेतृत्वाची फळी निर्माण व्हावी, या उद्देशाने प्रशिक्षण कार्यशाळेचे आयोजन करण्यात आल्याचे प्रास्ताविकात समन्वयक व पत्रकार अभिजीत पाटील यांनी सांगितले. अध्यक्ष रत्नाकर पाटील, मानद सचिव डॉ. भावना चौधरी आणि समन्वयक अभिजीत पाटील यांच्या नेतृत्वात आयोजित कार्यशाळेत शहरातील सर्व १३ रोटरी क्लबचे सदस्य सहभागी झाले होते.

स्रोत: मूळ बातमी