राज्यातील हवामानात सातत्याने मोठा बदल होताना दिसत आहे. अलीकडच्या वादळांदरम्यान राज्याच्या अनेक भागांत पाऊस कोसळला आणि लोकांना थोडासा दिलासा मिळाला. सकाळच्या वेळी थंडीची चाहूलही जाणवत आहे. मात्र आता भारतीय हवामान विभागाने मोठा इशारा दिला आहे. राज्यातून पाऊस गायब होण्याचे संकेत असून पुढील काही दिवसांत उष्णता वाढू शकते.
कोणत्या जिल्ह्यांत पाऊस, कुठे कोरडे हवामान
वाशिम, गडचिरोली, यवतमाळ, वर्धा आणि नागपूर या जिल्ह्यांमध्ये आज आणि उद्या हलक्या ते मध्यम स्वरूपाचा पाऊस होण्याची शक्यता आहे. बाकी राज्यात आज कोरडे हवामान राहण्याची शक्यता आहे. आज ५ नोव्हेंबर रोजी मुंबई, रायगड, रत्नागिरी, पालघर आणि ठाणे या जिल्ह्यांत हवामान कोरडे राहील. नाशिकमध्येही हवामान कोरडे असेल, तर कोकणातील काही भागांत पाऊस दिसू शकेल.
पुन्हा उन्हाचा कडाका वाढणार
राज्यात आता पुन्हा एकदा उन्हाचा कडाका वाढताना दिसेल, असा अंदाज आहे. चक्रीवादळामुळे वातावरण थंड झाले होते, मात्र आता पुन्हा उष्णता वाढत आहे. भारतीय हवामान विभागाने पुढील काही दिवसांकरिता उष्णतेचा मोठा इशारा दिला आहे. राज्यात यंदा समाधानकारक पाऊस न झाल्याने दुष्काळ अगोदरच जाहीर करण्यात आला आहे. त्यामुळे वाढत्या उष्णतेकडे शेतकरी आणि नागरिकांचे लक्ष लागले आहे.
स्रोत: मूळ बातमी
Leave a Reply