राजधानी दिल्लीत इंडिया आघाडीने महारॅलीचे आयोजन केले आहे. या रॅलीमध्ये विरोधी पक्षांतील अनेक महत्त्वाचे नेते उपस्थित आहेत आणि देशभरातून लोक दिल्लीत जमा झाले आहेत. याच महारॅलीत ममता बॅनर्जी यांनी भाजपावर सडकून टीका केली आणि बंगालच्या पराभवाचा जशास तसा बदला घेण्याचा इशारा दिला.
एसआयआरमुळे बंगाल बळी ठरल्याचा दावा
आपल्या भाषणात ममता बॅनर्जी यांनी एसआयआर प्रक्रियेचा बंगाल बळी ठरल्याचा दावा केला. आम्ही सोडणार नाही, प्राण गेला तरी चालेल पण आम्ही लढणार आणि लोकशाहीला वाचवू, असा निर्धार त्यांनी व्यक्त केला. एसआयआर म्हणजे स्पेशल इन्सेटिव्ह रिलिफ टू बीजेपी, अशी टीका करत लोकशाही, संविधान आणि अधिकार लुटण्यात आल्याचे त्यांनी म्हटले.
बंगालमध्ये एक कोटीपेक्षा जास्त मतदारांचा अधिकार काढून घेण्यात आल्याचा आरोप त्यांनी केला. आमचा पराभव झालेला नाही, आम्हाला हरवण्यात आले, असे सांगत आम्ही याचा बदला घेऊ आणि हा बदला लोकशाहीने घेऊ, असेही त्या म्हणाल्या.
बालकवितेच्या धर्तीवर टीका
निवडणूक हायजॅक करण्यात आली असून निवडणूक आयुक्त ज्ञानेश कुमार कधी जातील याची आम्ही वाट पाहत आहोत, असे बॅनर्जी म्हणाल्या. जॉनी जॉनी येस पापा या बालकवितेचा आधार घेत त्यांनी भाजपा आणि निवडणूक आयुक्त ज्ञानेश कुमार यांच्यावर खरमरीत टीका केली. मतांची चोरी, लोकशाहीची चोरी, शेतकऱ्यांचा सन्मान आणि मजुरांची घरे यांसारख्या मुद्द्यांवरून त्यांनी भाजपावर आरोप केले.
बीजेपी पाहिजे का आणि ज्ञानेश कुमार हवेत का, या प्रश्नांना नकार देत त्यांनी भाजपाला सत्तेतून हाकलण्याचे आवाहन मतदारांना केले. अगोदर ज्ञानेश कुमार यांना हटवा, मग पुढे पाहू, अशी मागणीही त्यांनी केली.
स्रोत: मूळ बातमी
Leave a Reply