जळगाव महापालिकेच्या महासभेत आज जोरदार गोंधळ झाला. वेगवेगळ्या विषयांवर चर्चा सुरू असताना नगरसेवकांच्या एका वक्तव्यावरून सभागृहातील वातावरण चांगलेच तापले. वाद वाढल्यानंतर शिवसेना ठाकरे गटाच्या नगरसेवकांनी सभेतून सभात्याग केला.
सभागृहात शाब्दिक खडाजंगी
शिवसेना ठाकरे गटाचे नगरसेवक इब्राहिम पटेल यांनी महिलांबाबत केलेल्या आक्षेपार्ह वक्तव्यामुळे सभागृहात जोरदार शाब्दिक खडाजंगी झाली. ‘गरीब की बीबी सबकी भाभी’ या त्यांच्या वक्तव्यावरून वाद निर्माण झाला. या वक्तव्यामुळे सभागृहातील वातावरण तापले आणि नगरसेवकांमध्ये आरोप-प्रत्यारोप सुरू झाले.
दरम्यान, भाजपचे नगरसेवक विजय बांदल आणि शिवसेना ठाकरे गटाच्या नगरसेवकांमध्येही जोरदार वाद झाला. सभागृहात विरोधकांचा आवाज दाबला जात असल्याचा आरोप ठाकरे गटाच्या नगरसेवकांनी केला. याच निषेधार्थ ठाकरे गटाच्या नगरसेवकांनी महासभेतून सभात्याग केला.
सभेनंतरही तणाव कायम
महासभेतील हा वाद सभागृहापुरताच मर्यादित राहिला नाही. सभा संपल्यानंतर महापालिकेच्या कार्यालयातही भाजप आणि ठाकरे गटाच्या नगरसेवकांमध्ये पुन्हा जोरदार खडाजंगी झाली. त्यामुळे महापालिका परिसरात काही काळ तणावाचे वातावरण निर्माण झाले.
Leave a Reply