साप दिसला की अनेकांच्या मनात भीती दाटते. दंश झाला तर लगेच मृत्यू होईल, अशी अनेकांची समजूत असते. मात्र प्रत्येक साप विषारी नसतो; काही साप विषारी असतात, तर काही बिनविषारी असतात. तरीही सापाबाबत एक गोष्ट अनेकांना माहीत नसते — साप मेल्यानंतरही तो धोकादायक ठरू शकतो.
मेल्यानंतरही दंशाचा धोका का?
अनेक डॉक्टर आणि अभ्यासकांच्या मते, सापाचे डोके तुटले तरी किंवा साप मेल्यानंतरही तो चावण्याचा प्रयत्न करू शकतो. याचे कारण म्हणजे सापाच्या विषग्रंथीमध्ये आधीपासूनच विष साठलेले असते. त्यामुळे साप निपचित पडलेला दिसला, म्हणजे तो मेलेला आहे असे समजून त्याला लगेच पकडायला जाऊ नये.
रिफ्लेक्समुळे विष बाहेर पडू शकते
मृत्यूनंतरही सापाच्या शरीरात रिफ्लेक्स अॅक्शन होऊ शकते. विषग्रंथीमध्ये जमा असलेले विष साप बाहेर टाकू शकतो. अशा स्थितीत सापाचे विष माणसासाठी धोकादायक ठरू शकते. म्हणूनच साप निपचित पडलेला असला तरी त्याच्यापासून अंतर ठेवणे हेच सुरक्षित राहते. सापाशी संबंधित कोणतीही कृती करताना तज्ज्ञांचा सल्ला घेणे आवश्यक आहे.
Leave a Reply