पुणे शहरातील वाहतूक कोंडी कमी व्हावी, यासाठी रस्ते आणि पदपथांवरील अतिक्रमणे हटवण्याचे निर्देश महापालिका आयुक्त नवलकिशोर राम यांनी दिले होते. या आदेशानुसार शहरभरातील अडथळे दूर करण्याची अपेक्षा होती. मात्र प्रत्यक्षात लक्ष्मी रस्त्यावर झालेली कारवाई या आदेशाच्या उद्देशापासून दूर गेल्याचे चित्र समोर आले आहे.
फलकांवरच कारवाईचा दिखावा
विश्रामबाग क्षेत्रीय कार्यालय आणि आकाशचिन्ह विभागाने लक्ष्मी रस्त्यावरील दुकानांच्या फलकांवरच कारवाई केली. वाहतुकीला अडथळा नसलेल्या सुमारे ४० ते ५० दुकानांच्या दर्शनी भागांची तोडफोड करण्यात आली. रस्ते, पादचारी मार्ग, तसेच समोरील आणि बाजूच्या मोकळ्या जागांवरील अतिक्रमणे काढण्याचे आदेश असतानाही, केवळ फलक हटवण्यापुरतीच ही मोहीम मर्यादित राहिली.
व्यापाऱ्यांचा विरोध आणि प्रशासनाची माघार
आपल्या दुकानांचे नुकसान झाल्याने व्यापारी आक्रमक झाले. त्यांनी या कारवाईला तीव्र विरोध केला. विरोध वाढल्यानंतर प्रशासनाला ही कारवाई अर्धवट सोडावी लागली. आयुक्तांच्या आदेशाचा मूळ हेतू वाहतूक सुरळीत करणे हा होता, मात्र फलक तोडण्यावर भर दिल्याने तो उद्देश बाजूला पडल्याची भावना व्यापाऱ्यांमध्ये आहे.
Leave a Reply