शनिवार, २१ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

प्रोटीन पावडर विक्रीसाठी आता अन्न सुरक्षा परवाना बंधनकारक

जिममध्ये प्रोटीन पावडर विक्रीसाठी अन्न सुरक्षा परवाना बंधनकारक झाला आहे. ब्रँड मालक, आयातदार, वितरक, किरकोळ विक्रेते आणि औषधालयांनाही हा नियम लागू होणार आहे.

प्रोटीन पावडर विक्रीसाठी आता अन्न सुरक्षा परवाना बंधनकारक

जिम आणि फिटनेस सेंटर्समध्ये प्रोटीन पावडर व सप्लिमेंट्सच्या विक्रीसाठी आता अन्न सुरक्षा परवाना घेणे बंधनकारक करण्यात आले आहे. अन्न व औषध प्रशासनाचे आयुक्त तुकाराम मुंढे यांच्या निर्देशानुसार हा नवा नियम लागू झाला आहे. या निर्णयामुळे सप्लिमेंट्सच्या बाजारात पारदर्शकता येण्याची अपेक्षा आहे.

कोणाला लागू होणार हा नियम?

या नव्या नियमानुसार ब्रँड मालक, आयातदार, वितरक, गोदामांचे मालक, किरकोळ विक्रेते, औषधालये, व्यायामशाळा आणि रुग्णालये या सर्वांना हा नियम लागू असणार आहे. ज्या ठिकाणी या उत्पादनांची विक्री होते, त्या सर्वांना फूड सेफ्टी किंवा एफडीएचे लायसन्स घेणे अनिवार्य आहे. या परवान्याशिवाय त्यांना अशी उत्पादने विकता येणार नाहीत किंवा साठवून ठेवता येणार नाहीत.

कोणत्या उत्पादनांचा समावेश?

सप्लिमेंट, न्यूट्रासिटिकल्स, विशेष आहार विषयक वापरासाठीचे अन्न, विशेष वैद्यकीय प्रयोजनासाठीचे अन्न, प्रीबायोटिक व प्रोबायोटिक अन्न आणि नॉव्हेल अन्न या सर्व उत्पादनांसाठी महाराष्ट्रात फुल्ली कंप्लायन्स ऑर्डर जारी करण्यात आली आहे.

एफडीए आयुक्त तुकाराम मुंढे यांनी आता प्रोटीन पावडर आणि इतर सप्लिमेंट्सवर लक्ष केंद्रित केले आहे. या नियमावलीचा उद्देश ग्राहकांना सुरक्षित उत्पादने मिळावीत हा आहे. एफडीएच्या या नव्या कठोर भूमिकेमुळे सप्लिमेंट्सच्या बाजारात शिस्त येईल, अशी अपेक्षा व्यक्त केली जात आहे.

समृद्धी जगताप

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance