अनेकदा मोठ्या आवडीने भाजी किंवा करी बनवली जाते. मात्र चुकून पाणी जास्त पडले की भाजीचा रस्सा पातळ होतो. अशा वेळी रस्सा घट्ट करण्यासाठी भाजी जास्त वेळ उकळण्याचा प्रयत्न केला जातो. पण असे केल्याने भाजीची चव आणि रंग दोन्ही बदलू शकतात.
रस्सा घट्ट करण्यासाठी बाजारातून कोणतेही वेगळे पदार्थ आणण्याची गरज नाही. स्वयंपाकघरात सहज उपलब्ध असलेल्या काही पदार्थांच्या मदतीने भाजीची चव कायम ठेवत रस्सा घट्ट करता येतो.
कॉर्नफ्लोअरचा सोपा उपाय
भाजीचा रस्सा घट्ट करण्यासाठी कॉर्नफ्लोअर हा सोपा उपाय आहे. एका छोट्या वाटीत एक चमचा कॉर्नफ्लोअर घ्या. त्यात थोडे थंड पाणी मिसळून पातळ मिश्रण तयार करा. हे मिश्रण भाजीत मिसळा. त्यामुळे रस्सा घट्ट होईल.
चव कायम ठेवण्याची काळजी
रस्सा घट्ट करताना भाजीची मूळ चव बदलणार नाही याची काळजी घ्यावी. घरगुती पदार्थांचा योग्य प्रमाणात वापर केल्यास भाजीचा स्वाद आणि रंग दोन्ही टिकून राहतात. त्यामुळे भाजी चविष्ट तर राहतेच, शिवाय तिचा रस्सा पाहिजे तसा घट्ट होतो.
Leave a Reply