भारतीय क्रिकेट संघाचा स्टार क्रिकेटपटू शिखर धवन गेल्या काही दिवसांपासून त्याच्या खासगी आयुष्यामुळे चर्चेत आहे. शिखर याने दुसरं लग्न करत गुरुग्राममधील आलिशान घरात पुन्हा नवा संसार थाटला आहे. आता त्याच्या घराच्या आतल्या भागाची झलक समोर आली असून, त्याचे फोटो सोशल मीडियावर मोठ्या प्रमाणावर पाहिले जात आहेत.
शिखर धवन याने सोफी शाइन हिच्यासोबत दुसरा संसार थाटला आहे. दोघांचे अनेक फोटो सोशल मीडियावर येत असतात. नुकताच झालेल्या एका मुलाखतीत सोफी हिने घरातील काही खास जागा दाखवल्या आहेत. घराच्या प्रवेशद्वारावरच मंदिर असल्याचे या झलकीत दिसते.
लिव्हिंग रूममध्ये क्रिकेटच्या आठवणी
शिखर याच्या घरातील लिव्हिंग रूम फार मोठा आहे. तिथे लाल रंगाचा पूल टेबल देखील ठेवण्यात आला आहे. घराचा हा भाग उत्तम प्रकारे सजवण्यात आला असून, लिव्हिंग रूममध्ये सुंदर सोफेही ठेवण्यात आले आहेत. शिखर आणि त्याच्या पत्नीने घरातील प्रत्येक कोपरा प्रेमाने सजवला आहे.
लिव्हिंग रूममध्येच शिखर धवन याने क्रिकेट विश्वातील आठवणी जपून ठेवल्या आहेत. भिंतींवर शिखर याचे फोटो लावण्यात आले असून, त्याने जिंकलेले अनेक पुरस्कार देखील येथे ठेवण्यात आले आहेत. क्रिकेटच्या कारकीर्दीतील हे क्षण घरातच जतन केल्याचे दिसते.
खास बार सेक्शन आणि बाल्कनी
शिखर धवन याने आलिशान घरात एक खास बार सेक्शन देखील तयार केला आहे. यासाठी गुलाबी रंगाचा वापर करण्यात आला असून, हलक्या निळ्या रंगामुळे तो भाग उठून दिसत आहे. या रंगांमुळे खास बारला एक वेगळा लूक आला आहे.
घरातील डायनिंग एरियाही खास आहे. तो उत्तम प्रकारे सजवण्यात आला असून, येथील फर्निचर आणि भिंतींवर लागलेल्या पेंटिंग्जमुळे घराची शोभा वाढते. घरातील बाल्कनी देखील खास असून, तिथे आरामदायक सोफे ठेवण्यात आले आहेत. बाल्कनीतून नयनरम्य नजारा दिसत असून, शिखर आणि त्याच्या पत्नीचं हे घर प्रचंड सुंदर असल्याचे फोटोंमधून दिसते.
Leave a Reply