राज्यातील राजकारण सध्या चांगलेच तापले आहे. राष्ट्रवादी काँग्रेस शरद पवार गटाचे आमदार रोहित पवार यांनी नुकत्याच घेतलेल्या पत्रकार परिषदेत मुख्यमंत्र्यांचा मफलर घातलेला फोटो दाखवला. त्या फोटोत मुख्यमंत्र्यांच्या शेजारी व्हीएसआर व्हेंचर्स कंपनीचे मालक व्ही. के. सिंग यांचे पुत्र रोहित सिंग उभे असल्याचे सांगण्यात आले. या फोटोमुळे राजकीय वर्तुळात एकच खळबळ उडाली असून त्यावर आता भाजपने प्रतिक्रिया दिली आहे.
भाजप नेते आशिष शेलार यांनी पत्रकार परिषद घेत रोहित पवार यांच्यावर निशाणा साधला. शेलार म्हणाले की, वैफल्यग्रस्त स्थितीतून चिड निर्माण होते आणि त्यातून खोटं बोलण्याची नशा येते. अशा नशेत असलेली व्यक्ती म्हणजे रोहित पवार आहेत, अशी टीका त्यांनी केली.
राहुल गांधींवरही निशाणा
पत्रकार परिषदेत शेलार यांनी राहुल गांधी यांच्यावरही टीका केली. काँग्रेस आणि राहुल गांधी यांनी सर्वोच्च न्यायालयात एक याचिका दाखल केली असून त्यात काही प्रश्न विचारण्यात आले आहेत, असे ते म्हणाले. त्या प्रश्नांची संख्या ३०-४०-४५ असल्याचे त्यांनी सांगितले. प्रकरण न्यायालयात असल्याने त्यावर उघडपणे बोलणे योग्य नाही, असेही शेलार म्हणाले. मात्र, काँग्रेसने हेच प्रश्न संसदेत का उपस्थित केले नाहीत, असा सवाल त्यांनी केला. त्या प्रश्नांच्या समोर काँग्रेसला सहा प्रश्न विचारण्यात येतील, असेही त्यांनी सांगितले.
Leave a Reply