दिवाळीनंतर सोने आणि चांदीच्या किंमतीत सातत्याने घसरण होत असल्याचं पाहायला मिळत आहे. आज सराफा बाजार उघडताच सोन्याच्या आणि चांदीच्या दरात पुन्हा घसरण नोंदवण्यात आली. सोमवारीही सोनं स्वस्त झालं होतं. त्यामुळे सोने खरेदी करू इच्छिणाऱ्या ग्राहकांना काहीसा दिलासा मिळाला आहे.
अनेक शहरांत सोन्याचे दर घसरले
मुंबई आणि पुण्यापासून दिल्ली, चेन्नई, अहमदाबाद आणि कोलकात्यापर्यंत अनेक शहरांमध्ये सोन्याच्या दरात घसरण नोंदवण्यात आली आहे. ताज्या दरांनुसार, २४ कॅरेट सोन्याची किंमत प्रतितोळा १,३६,२०० रुपये इतकी झाली आहे. आज सोन्याच्या दरात ७५० रुपयांची घसरण झाली आहे. देशांतर्गत बाजारात सोन्याच्या किमतीत घट सुरू असल्याचं या आकड्यांवरून दिसतं.
खरेदीदारांसाठी दिलासादायक वातावरण
सोन्याच्या दरात झालेल्या या घसरणीमुळे ग्राहकांना आता सोने खरेदी करणे काहीसे परवडणारे ठरणार आहे. दिवाळीनंतर दर घसरत असल्याने दागिन्यांची खरेदी करण्याचा विचार करणाऱ्या ग्राहकांसाठी हे वातावरण अनुकूल मानलं जात आहे. मात्र, दरांमधील चढउतार सुरूच असल्याने खरेदीपूर्वी ताजे दर तपासणं योग्य ठरेल.
Leave a Reply