राज्यातील दुय्यम न्यायालयांमध्ये काम करणारे तब्बल ३४ हजार कर्मचारी आज १७ नोव्हेंबरपासून बेमुदत संपावर गेले आहेत. सुधारित वेतनश्रेणी लागू करावी आणि वेतनातील तफावत दूर करावी या प्रमुख मागणीसाठी कर्मचाऱ्यांनी संप पुकारला आहे. त्यांच्या विविध मागण्यांसाठी कर्मचाऱ्यांनी मुंबई सत्र न्यायालय आणि वांद्रे कोर्टाबाहेर आंदोलनही सुरू केले आहे.
वेतनातील तफावतीचा मुद्दा
उच्च न्यायालयातील कर्मचाऱ्यांना २००६ पासून सुधारित वेतनश्रेणी लागू करण्यात आली आहे. मात्र दुय्यम न्यायालयांमध्ये काम करणाऱ्या कर्मचाऱ्यांना अजून त्याचा लाभ मिळालेला नाही. उच्च न्यायालय आणि दुय्यम न्यायालयांमधील कर्मचाऱ्यांचे काम जवळपास सारखेच असताना वेतनात फरक का असा सवाल कर्मचारी उपस्थित करत आहेत.
कोर्टाच्या कामकाजावर परिणाम होणार
इतक्या मोठ्या संख्येने कर्मचारी संपावर गेल्याने कोर्टाच्या कामकाजावर परिणाम होण्याची शक्यता आहे. संप बेमुदत असल्याने मागण्या मान्य होईपर्यंत आंदोलन सुरू राहणार असल्याचे कर्मचाऱ्यांनी स्पष्ट केले आहे.
Leave a Reply