रिल्स स्टार आणि बिग बॉस फेम सूरज चव्हाण याच्या घरी चिमुकलीचे आगमन झाले आहे. सूरज आणि त्याची पत्नी संजना आई-बाबा झाले आहेत. लक्ष्मी पूजनाच्या दिवशी आपल्या लेकीचे खास पद्धतीने स्वागत करताना सूरज आणि संजना दिसले. त्यानंतर आता या जोडप्याने आपल्या लेकीचे नाव जाहीर केले आहे.
सूरज चव्हाण हे सोशल मीडियावर तुफान चर्चेत असलेले नाव आहे. त्याच्या रिल्स सोशल मीडियावर व्हायरल होत असतात. त्याची सोशल मीडियावर जबरदस्त फॅन फॉलोइंग आहे आणि त्याचा चाहतावर्ग मोठा आहे.
जन्माष्टमीला झाले आगमन
कृष्ण जन्माष्टमीच्या शुभमुहूर्तावर संजनाने मुलीला जन्म दिला. आमच्या घरी राधा आली, असे म्हणत सूरजने लेकीचे स्वागत केले होते. त्यामुळे सूरज आपल्या लेकीचे नाव राधा ठेवेल, असे सर्वांना वाटत होते. सूरज लेकीचे नाव सरस्वती ठेवणार असल्याचीही चर्चा होती.
मात्र, राधा नाव न ठेवता लेकीचे वेगळेच नाव सूरजने ठेवले. सूरज चव्हाण आणि संजना यांनी आपल्या लेकीचे नाव तृष्णा ठेवले आहे. राधा नाव सूरज ठेवेल, अशी अपेक्षा सर्वांना होती, पण प्रत्यक्षात सर्वांचा अंदाज खोटा ठरला. सूरजच्या पत्नीने लेकीचे नाव काय ठेवले, याबाबत व्हिडिओ शेअर केला आहे.
थाटात झाले लेकीचे स्वागत
लेकीचे घरात आगमनही सूरजने थाटात केले. सूरज चव्हाण आणि संजना यांचे लग्न 2025 मध्ये झाले. या लग्नाची मोठी क्रेझ चाहत्यांमध्ये दिसली. संजनासोबत धडाक्यात सूरज चव्हाण याने लग्न केले. आलिशान घरात तो आपल्या पत्नीसोबत राहतो.
Leave a Reply