एक्सपल्स ४५० विरुद्ध हिमालयन ४५० व केटीएम ३९० अ‍ॅडव्हेंचर

भारतीय दुचाकी बाजारात हिरो एक्सपल्स ४५०, रॉयल एनफिल्ड हिमालयन ४५० आणि केटीएम ३९० अ‍ॅडव्हेंचर आर या तीन अ‍ॅडव्हेंचर बाईकमधील स्पर्धा आता रंगणार आहे. ईआयसीएमए २०२६ मध्ये हिरो मोटोकॉर्पने आपली नवीन एक्सपल्स ४५० सादर केली आहे. ही बाईक सध्या प्रोटोटाइप स्वरूपात असून तिची थेट टक्कर आधीपासून बाजारात विक्रीसाठी असलेल्या हिमालयन ४५० आणि केटीएम ३९० अ‍ॅडव्हेंचर आर सोबत होणार आहे.

इंजिन आणि कामगिरी

हिरो एक्सपल्स ४५० मध्ये ४२१ सीसी सिंगल सिलेंडर, लिक्विड कूल्ड इंजिन देण्यात आले आहे. हे इंजिन ४७ पीएस पॉवर आणि ३८ एनएम टॉर्क निर्माण करते. दुसरीकडे, रॉयल एनफिल्ड हिमालयन ४५० मध्ये ४५१ सीसी इंजिन असून ते ४० पीएस पॉवर आणि ४० एनएम टॉर्क देते. केटीएम ३९० अ‍ॅडव्हेंचर आर मध्ये ३९८.७ सीसी इंजिन असून ४६ पीएस पॉवर आणि ३९ एनएम टॉर्क मिळतो. तिन्ही बाईकमध्ये ६-स्पीड गिअरबॉक्स आणि असिस्ट अँड स्लिपर क्लच आहे.

सस्पेंशन आणि ऑफ-रोड क्षमता

ऑफ-रोड रायडिंगसाठी केटीएम ३९० अ‍ॅडव्हेंचर आर मध्ये पुढे आणि मागे २३० मिमी सस्पेंशन ट्रॅव्हल मिळतो. यासोबत २७२ मिमी ग्राउंड क्लिअरन्स आणि २१/१८-इंच व्हील सेटअप आहे. हिरो एक्सपल्स ४५० मध्ये ४३ मिमी केवायबी यूएसडी फ्रंट फोर्क असून २२५ मिमी ट्रॅव्हल मिळतो. तिचा ग्राउंड क्लिअरन्स २३० मिमी आहे. हिमालयन ४५० मध्ये पुढे-मागे २०० मिमी ट्रॅव्हल आणि २१/१७-इंच व्हील सेटअप देण्यात आला आहे.

वजन, सीट आणि इंधन टाकी

हिमालयन ४५० चे वजन १९६ किलो असून १७ लिटरचा इंधन टाकी मिळतो. केटीएमचे वजन १८३ किलो आणि इंधन टाकी १४.५ लिटर आहे. एक्सपल्स ४५० ची सीट उंची प्रोटोटाइपमध्ये ८४८ मिमी दाखवण्यात आली आहे. तिचे वजन आणि इंधन टाकीची क्षमता अजून जाहीर झालेली नाही. केटीएमची सीट उंची ८८० मिमी, तर हिमालयनची सीट ८२५ मिमी असून ती अ‍ॅडजस्ट करता येते.

फीचर्स आणि निष्कर्ष

एक्सपल्स ४५० मध्ये टीएफटी डिस्प्लेसोबत अँड्रॉइड ऑटो आणि अ‍ॅपल कारप्ले मिळणार आहेत. हिमालयनमध्ये ४-इंच टीएफटी डिस्प्ले, गुगल मॅप्स नेव्हिगेशन आणि रायडिंग मोड्स आहेत. केटीएममध्ये ५-इंच टीएफटी स्क्रीन, ट्रॅक्शन कंट्रोल, कॉर्नरिंग एबीएस, ऑफ-रोड एबीएस आणि क्विकशिफ्टर प्लस मिळतो. एकूणच, ऑफ-रोडिंगसाठी केटीएम ३९० अ‍ॅडव्हेंचर आर, लाँग टूरिंगसाठी हिमालयन ४५० आणि नवीन तंत्रज्ञानासह ऑफ-रोडिंगचा अनुभव घेण्यासाठी हिरो एक्सपल्स ४५० हा चांगला पर्याय ठरू शकतो. पण एक्सपल्स ४५० ची किंमत, प्रोडक्शन मॉडेलचे वजन, मागील सस्पेंशन आणि इंधन टाकीची क्षमता समोर आल्यानंतरच या स्पर्धेचे चित्र अजून स्पष्ट होईल.