मुंबईत स्वतःचे घर घेण्याचे स्वप्न पाहणाऱ्या हजारो अर्जदारांसाठी दिलासादायक बातमी आहे. सिडकोच्या ‘माझे पसंतीचे सिडकोचे घर’ या डिसेंबर 2025 च्या गृहनिर्माण योजनेतील बिगर-EWS प्रवर्गाच्या सदनिकांची सोडत अखेर जाहीर झाली आहे. ही सोडत 27 नोव्हेंबर 2026 रोजी होणार आहे. तब्बल 11 महिन्यांच्या प्रतीक्षेनंतर अर्जदारांना ही तारीख मिळाली आहे.
ही योजना प्रधानमंत्री आवास योजना 1.0 अंतर्गत डिसेंबर 2025 मध्ये जाहीर करण्यात आली होती. योजनेतील आर्थिकदृष्ट्या दुर्बल घटक प्रवर्गाच्या अर्जदारांची सोडत यापूर्वीच पार पडली होती. मात्र अल्प उत्पन्न गटातील अर्जदारांसाठीची सोडत न्यायालयाच्या अंतरिम आदेशामुळे थांबवण्यात आली होती. त्यानंतर न्यायालयाने या प्रकरणातील याचिका फेटाळली आणि सोडतीचा मार्ग मोकळा झाला.
एलआयजी म्हणजे बिगर-EWS
या योजनेसाठी ‘एलआयजी’ हा शब्द बिगर-EWS याच अर्थाने वापरायचा असल्याचे सिडकोने स्पष्ट केले आहे. योजनेच्या इतर सर्व अटी आणि शर्ती पूर्वीप्रमाणेच कायम राहणार आहेत. त्यामुळे अर्जदारांनी 27 नोव्हेंबरची तारीख लक्षात ठेवावी.
अर्ज मागे घेतल्यास पूर्ण रक्कम परत
ज्या अर्जदारांना अर्ज मागे घ्यायचा आहे, त्यांना जाहिरात प्रसिद्ध झाल्यापासून 10 दिवसांच्या आत अर्ज मागे घेता येणार आहे. अर्जदारांनी भरलेली रक्कम कोणतीही कपात न करता पुढील 15 दिवसांच्या आत परत केली जाणार आहे, असे सिडकोने सांगितले आहे.
Leave a Reply