देशातील सर्वात मोठ्या सरकारी बँकांपैकी एक असलेल्या स्टेट बँक ऑफ इंडिया (एसबीआय) च्या ग्राहकांच्या वैयक्तिक माहितीच्या सुरक्षेचा प्रश्न ऐरणीवर आला आहे. एसबीआयच्या सर्व्हरवर सायबर हल्ला करून लाखो रेकॉर्ड चोरी केल्याचा धक्कादायक प्रकार समोर आला आहे. यामध्ये ग्राहकांची वैयक्तिक माहिती, बँक खाते आणि कर्ज अर्जाशी संबंधित कागदपत्रांचा समावेश असल्याचे सांगितले जात आहे.
ऑक्टोबरमध्ये झाला सायबर हल्ला
एका वृत्तानुसार, १० ते १५ ऑक्टोबर या दिवसांमध्ये हा सायबर हल्ला झाला. नवी मुंबईतील सीबीडी बेलापूर येथे असलेल्या एसबीआयच्या ग्लोबल आयटी सेंटरमधील सर्व्हरवर हा हल्ला झाल्याचे समोर आले आहे. या हल्ल्यात लाखो रेकॉर्ड चोरीला गेल्याचे सांगितले जात आहे.
एका महिन्यानंतर पोलिसांत तक्रार
या प्रकरणात १२ नोव्हेंबर रोजी पोलिसांत तक्रार दाखल करण्यात आली. सायबर हल्ला झाल्यानंतर तब्बल एका महिन्याने बँकेने पोलिसांत तक्रार दिल्याचे समोर आले आहे. या प्रकरणाचा तपास सुरू असून, चोरीला गेलेल्या माहितीचा गैरवापर होणार नाही, याची खबरदारी घेणे महत्त्वाचे ठरणार आहे.
Leave a Reply