बुलढाणा जिल्ह्यातील तळेगाव फाट्याजवळ समृद्धी महामार्गावर शनिवारी भीषण अपघात घडला. एका कंटेनरने एकापाठोपाठ १५ ते १६ कारला धडक दिली. या अपघातात १० ते १५ प्रवासी जखमी झाले असून, अनेक वाहनांचे मोठे नुकसान झाले आहे.
महामार्गावरून जाणाऱ्या वाहनांच्या रांगेत कंटेनर शिरल्याने एकामागोमाग एक कारला धडक बसली. धडकेनंतर अनेक गाड्यांचे मोठ्या प्रमाणावर नुकसान झाले. अपघाताची माहिती मिळताच मदतकार्य सुरू करण्यात आले आणि जखमी प्रवाशांना उपचारासाठी हलवण्यात आले.
महामार्गावर वाहतूक विस्कळीत
अपघातामुळे समृद्धी महामार्गाच्या या भागातील वाहतूक काही काळ विस्कळीत झाली. अपघातग्रस्त वाहने बाजूला करण्याचे काम सुरू होते. या अपघातात नेमके किती प्रवासी जखमी झाले, याची अधिकृत माहिती अद्याप येणे बाकी आहे.
समृद्धी महामार्गावर यापूर्वीही अनेकदा अपघातांच्या घटना घडल्या आहेत. वेगवान वाहतूक असलेल्या या महामार्गावर वाहनचालकांनी अधिक काळजी घेण्याची गरज पुन्हा एकदा या घटनेने अधोरेखित केली आहे.
Leave a Reply