रायगड जिल्ह्यातील माणगावमध्ये राष्ट्रवादी काँग्रेसला मोठा राजकीय धक्का बसला आहे. खासदार सुनील तटकरे यांचे खंदे समर्थक असलेल्या माणगाव नगर पंचायतीच्या माजी नगरसेवकांनी शिवसेनेत प्रवेश केला आहे. माजी नगरसेवक संदीप खारगे, दिलीप जाधव आणि भाग्यश्री यादव यांचा यात समावेश आहे. राष्ट्रवादी काँग्रेसचे काही नाराज पदाधिकारीही शिवसेनेत गेल्याने माणगावमधील राजकीय समीकरणांची चर्चा सुरू झाली आहे.
आगामी निवडणुकीच्या पार्श्वभूमीवर पक्षप्रवेश
आगामी नगर पंचायत निवडणुकीच्या पार्श्वभूमीवर हा पक्षप्रवेश झाला आहे. निवडणुकीआधी झालेल्या या पक्षप्रवेशामुळे माणगावच्या राजकारणात नवे समीकरण तयार होण्याची शक्यता आहे. तटकरे यांच्यासह राष्ट्रवादीला हा मोठा धक्का मानला जात आहे.
माणगावच्या राजकारणात नवे समीकरण
माजी नगरसेवकांच्या या पक्षप्रवेशामुळे माणगाव नगर पंचायतीच्या आगामी निवडणुकीतील लढत अधिक चुरशीची होणार असल्याचे बोलले जात आहे. स्थानिक पातळीवर या घडामोडीचे पडसाद उमटत असून पुढील काही दिवसांत राजकीय हालचालींना वेग येण्याची शक्यता आहे.
Leave a Reply