रायगड जिल्ह्यातील माणगाव येथील प्रवेश सोहळ्यात शिंदेसेनेचे आमदार महेंद्र दळवी यांची जीभ घसरल्याचा प्रकार समोर आला आहे. राष्ट्रवादी काँग्रेसचे प्रदेशाध्यक्ष आणि खासदार सुनील तटकरे यांच्याबद्दल बोलताना दळवी यांनी आक्षेपार्ह शब्दांचा वापर केला. त्यांच्या या वक्तव्यामुळे रायगडच्या राजकीय वर्तुळात चर्चेला उधाण आले आहे.
प्रवेश सोहळ्यात तटकरेंवर निशाणा
माणगावमधील प्रवेश सोहळ्यात बोलताना दळवी यांनी तटकरेंवर जोरदार निशाणा साधला. तटकरे यांचा उल्लेख करताना त्यांनी अत्यंत आक्षेपार्ह भाषेचा वापर केल्याचे समोर आले आहे. या वक्तव्याचा व्हिडिओही समोर आला असून त्यावरून राजकीय वर्तुळात चर्चा रंगली आहे.
राजकीय वर्तुळात चर्चा
रायगडमध्ये राष्ट्रवादी काँग्रेसला धक्का देणाऱ्या पक्षप्रवेशाच्या कार्यक्रमातच हे वक्तव्य झाल्याने त्याचे राजकीय पडसाद उमटण्याची शक्यता आहे. या वक्तव्यावर राष्ट्रवादी काँग्रेसकडून काय प्रतिक्रिया येते, याकडे सर्वांचे लक्ष लागले आहे.
Leave a Reply