मराठी चित्रपटसृष्टीतील ज्येष्ठ अभिनेत्री वर्षा उसगांवकर यांनी आपल्या अभिनयाने प्रेक्षकांच्या मनावर वेगळी छाप उमटवली आहे. अनेक दिग्गज कलाकारांसोबत त्यांनी काम केले आहे. यामध्ये ज्येष्ठ अभिनेते नाना पाटेकर यांचाही समावेश आहे. नाना पाटेकर यांच्या स्पष्टवक्तेपणामुळे अनेकजण त्यांच्याशी बोलताना सावध असायचे. नुकत्याच दिलेल्या एका मुलाखतीत वर्षा उसगांवकर यांनी नानांसोबतच्या काही खास आठवणी सांगितल्या आहेत.
‘स्वतःला जरा महाग कर गं’
वर्षा उसगांवकर म्हणाल्या, ‘अलीकडेच नानांच्या शोकसभेत मी माझ्या भावना व्यक्त केल्या होत्या. त्यांचा स्वभाव फार फटकळ होता आणि त्या फटकळपणाचा मला चांगलाच प्रसाद मिळाला होता. एकदा सेटवर एक पत्रकार आले होते. मी त्यांना सांगितले की मी जरूर मुलाखत देईन. त्यावेळी नाना म्हणाले, ‘काय वेडी आहेस का? असा पटकन का होकार दिलास? स्वतःला जरा महाग कर गं…’ मी त्यावेळी त्यांना काहीच बोलले नाही. कारण सुरुवातीपासून मला नानांची फार भीती वाटायची. काही बोलले तर मला रागावतील, असे मला नेहमीच वाटायचे. पण त्याचबरोबर मला प्रश्न पडला की स्वतःला महाग कसे करायचे? नेमके काय करायचे हे मला तेव्हा समजले नव्हते.’
मागून येऊन घाबरवायचे
त्यावेळी मी पुण्याला विमानाने जायचे. कारण तेव्हा हा महामार्ग नव्हता. महिन्याला चार-पाच वेळा माझे पुण्याला जाणे-येणे व्हायचे आणि प्रत्येकवेळी मला नाना भेटायचे आणि मला मागून येऊन घाबरवायचे. तेव्हा मल्हार सात-आठ वर्षांचा होता. तो सुद्धा बोलायचा, ‘काय गं अशी काय घाबरतेस बाबांना…’ एकदा मला म्हणाले, ‘आता अभिनय वगैरे पुरे झाला… लग्न करून टाक!’ माझे असे झाले की आता काय मला हे रिटायर्ड व्हायला सांगत आहेत… मग माझ्या करिअरचे काय? असा प्रश्न माझ्या मनात निर्माण झाला, असेही वर्षा उसगांवकर यांनी सांगितले.
स्रोत: मूळ बातमी
Leave a Reply