संभाजीनगरमध्ये सामाजिक न्याय मंत्री संजय शिरसाट यांच्या निवासस्थानी गुरुवारी मध्यरात्री दगडफेकीची धक्कादायक घटना घडली. गोलवाडी परिसरातील त्यांच्या घरावर तीन तरुणांनी दगड आणि काचेच्या बाटल्या फेकल्या.
रात्री साडेबारा वाजण्याच्या सुमारास ही घटना घडली. दुचाकीवरून आलेल्या तीन तरुणांनी गोंधळ घातल्याचे व्हिडीओत स्पष्ट दिसत आहे. ही घटना कॅमेऱ्यात कैद झाली आहे.
दोन पोलीस किरकोळ जखमी
संशयितांना पकडण्याच्या प्रयत्नात दोन पोलीस किरकोळ जखमी झाले. घटनेनंतर पोलिसांनी तिन्ही संशयितांना ताब्यात घेतले आहे.
हल्ल्यामागील कारणाचा तपास
या तरुणांनी नेमका हल्ला का केला, याबाबत पोलिसांकडून तपास केला जात आहे. या घटनेनंतर परिसरात खळबळ उडाली आहे.
स्रोत: मूळ बातमी
Leave a Reply