दिवाळीचा सण संपताच सोन्याच्या दरात मोठी उलथापालथ पाहायला मिळत आहे. आज सराफा बाजार उघडताच सोन्याच्या किमतीत मोठी घसरण झाली आहे. २४ कॅरेट सोन्याच्या दरात प्रतितोळा १,३१० रुपयांची घसरण नोंदवण्यात आली आहे. लग्नसराईच्या तोंडावर सोन्याचे भाव गडगडल्याने सर्वसामान्य ग्राहकांना आणि गुंतवणूकदारांना मोठा दिलासा मिळाला आहे.
२४ आणि २२ कॅरेट सोन्याचे नवे दर
आज २४ कॅरेट सोन्याच्या दरात प्रतितोळा म्हणजेच १० ग्रॅममागे तब्बल १,३१० रुपयांची घसरण झाली असून, सोन्याचा दर १,३८,४९० रुपयांवर आला आहे. तर दागिन्यांसाठी वापरल्या जाणाऱ्या २२ कॅरेट सोन्याचा भाव प्रतितोळा १,२०० रुपयांनी कमी होऊन १,२६,९५० रुपये इतका झाला आहे. सोन्याबरोबरच चांदीच्या दरातही घसरण झाली असून, चांदीचा दर प्रति किलो १,९९,९०० रुपयांवर आला आहे.
लग्नसराईच्या तोंडावर दिलासा
लग्नसराई सुरू होण्याआधीच सोन्याच्या दरात ही घसरण झाल्याने सोने खरेदी करू इच्छिणाऱ्या ग्राहकांना दिलासा मिळाला आहे. सणाच्या काळात वाढलेले दर आता कमी होत असल्याने दागिने खरेदीचे नियोजन करणाऱ्यांसाठी ही घसरण फायद्याची ठरत आहे. गुंतवणूकदारही सोन्याच्या दरातील या घसरणीकडे लक्ष ठेवून आहेत.
स्रोत: मूळ बातमी
Leave a Reply