मनोरंजन विश्वातून आनंदाची बातमी समोर आली आहे. प्रसिद्ध अभिनेत्रीने गुपचूप लग्नगाठ बांधली असून, सोशल मीडियावर फोटो शेअर करून तिने चाहत्यांना सुखद धक्का दिला आहे. तमिळ आणि तेलुगू चित्रपटांतील अभिनेत्री प्रिया भवानी शंकर हिने बॉयफ्रेंड राजवेल राजसोबत लग्न केले आहे.
चेन्नईत खाजगी विवाह सोहळा
हा विवाह सोहळा चेन्नईत पार पडला. हा एक खाजगी सोहळा होता आणि त्याला दोघांचे जवळचे मित्र आणि कुटुंबीय उपस्थित होते. बुधवारी ११ नोव्हेंबर रोजी प्रियाने सोशल मीडियावर लग्नाचे फोटो शेअर करून ही आनंदाची बातमी दिली. लग्नासाठी प्रियाने लाल रंगाची सुंदर साडी नेसली होती, तर राजवेलने फुलांची नक्षी असलेला पांढरा कुर्ता घातला होता. दोघेही एकत्र खूप आनंदी दिसत होते आणि शेअर केलेल्या फोटोंमध्ये दोघांची छान केमिस्ट्री पाहायला मिळत आहे.
फोटो शेअर करताना प्रियाने ११.११.२०२६ ही तारीख नमूद केली. तिच्या या पोस्टवर चाहते आणि कलाकार मंडळी भरभरून कमेंट्स करून दोघांना शुभेच्छा देत आहेत.
प्रिया भवानी शंकरचे आगामी प्रोजेक्ट
प्रिया भवानी शंकर ही दक्षिण चित्रपटसृष्टीतील प्रसिद्ध चेहरा आहे. ती अनेक तमिळ आणि तेलुगू चित्रपटांचा भाग राहिली आहे. अलीकडेच ती रवी तेजा मुख्य भूमिकेत असलेल्या ‘इरुमुडी’ या तेलुगू चित्रपटात दिसली होती. आता ती दिग्दर्शक अजय ज्ञानमुथू यांच्या ‘डिमाँटे कॉलनी ३’ या हॉरर-थ्रिलर चित्रपटात दिसणार आहे. अरुलनिथी मुख्य भूमिकेत असलेला हा चित्रपट पुढील वर्षी पोंगलच्या काळात प्रदर्शित होणार आहे.
स्रोत: मूळ बातमी
Leave a Reply