घरात वायफाय असल्यामुळे मोबाईल डेटाची गरज नसलेल्या, ज्येष्ठ नागरिक किंवा केवळ कॉलिंगसाठी सिम वापरणाऱ्या ग्राहकांसाठी जिओने स्वस्त व्हॉईस ओन्ली प्लॅन आणले आहेत. या प्लॅनची सुरुवात १४७ रुपयांपासून होते.
१४७ आणि १९६ रुपयांचे प्लॅन
१४७ रुपयांच्या रिचार्जमध्ये २२ दिवसांची वैधता, अमर्यादित व्हॉईस कॉलिंग आणि ३०० एमएमएस मिळतात. तर १९६ रुपयांच्या रिचार्जमध्ये ३० दिवसांची वैधता असून, त्यातही तेच कॉलिंग आणि एमएमएसचे फायदे मिळतात.
दीर्घ वैधतेचे पर्याय
वारंवार रिचार्ज करण्याची कटकट नको असलेल्या ग्राहकांसाठी जिओने दीर्घ वैधतेचे दोन पर्यायही ठेवले आहेत. ४४८ रुपयांच्या प्लॅनमध्ये ८४ दिवसांची वैधता, अमर्यादित कॉलिंग आणि एकूण १००० एमएमएस मिळतात. याशिवाय जिओ टीव्ही आणि जिओ एआय क्लाउडची सुविधाही दिली जाते. तर १,७४८ रुपयांच्या प्लॅनमध्ये तब्बल ३३६ दिवसांची वैधता मिळते. यात अमर्यादित कॉलिंग आणि ३,६०० एमएमएसचा समावेश आहे. या प्लॅनसोबतही जिओ टीव्ही आणि जिओ एआय क्लाउडचे फायदे दिले जातात. त्यामुळे जवळपास वर्षभर सिम सुरू ठेवायचे असेल, तर हा पर्याय योग्य ठरतो.
डेटा मिळत नाही, स्वतंत्र व्हाउचर घ्यावे लागेल
या व्हॉईस ओन्ली प्लॅनमध्ये मोबाईल इंटरनेट डेटा मिळत नाही. त्यामुळे कधी इंटरनेटची गरज पडली, तर ग्राहकांना स्वतंत्र डेटा व्हाउचर घ्यावे लागेल. हे प्लॅन मायजिओ अ‍ॅप आणि जिओच्या संकेतस्थळावर उपलब्ध आहेत.
स्रोत: मूळ बातमी
Leave a Reply