गोविंदासोबतचे रोमँटिक फोटो व्हायरल; राखी सावंत संतापली

अभिनेता गोविंदा सध्या त्याच्या वैयक्तिक आणि व्यावसायिक आयुष्यामुळे चर्चेत आहे. एकीकडे त्याची पत्नी सुनीता यांच्यासोबतच्या मतभेदांच्या बातम्या येत असतात, तर दुसरीकडे सात वर्षांनंतर तो बॉलिवूडमध्ये पुनरागमन करण्यास सज्ज झाला आहे. गोविंदा ‘रूपा’ या चित्रपटात दिसणार असून, यात कोमल राणी स्वर्णकर मुख्य नायिकेच्या भूमिकेत आहे.

कोमलने शेअर केलेले फोटो

गोविंदा आणि कोमल राणी अनेकदा एकत्र दिसतात. आता कोमलने गोविंदासोबतचे काही फोटो शेअर केले आहेत. या फोटोंमध्ये गोविंदा कोमलसोबत रोमान्स करताना दिसत आहे. हे फोटो ‘रूपा’ चित्रपटातील असून, कोमलने या पोस्टला ‘रूपामधील एक सुंदर झलक’ असे कॅप्शन दिले आहे.

फोटोंमध्ये कोमलने जांभळ्या रंगाची साडी नेसलेली दिसत आहे, तर गोविंदाने पांढरा शर्ट, ब्लेझर आणि काळी पँट घातलेली दिसत आहे. फोटोंमध्ये दोघेही एकमेकांच्या खांद्यावर हात ठेवून पोज देताना दिसत आहेत.

राखी सावंतची प्रतिक्रिया

कोमलच्या या फोटोंवर राखी सावंतनेही कमेंट करत प्रतिक्रिया दिली आहे. राखी सावंतने रागात असणारे इमोजी शेअर केले आहेत. दरम्यान, गोविंदाचे कोमलसोबत विवाहबाह्य संबंध असल्याच्या अफवा पसरल्या होत्या. गोविंदाची पत्नी सुनीता यांनीही गोविंदावर अनेक गंभीर आरोप केले होते. मात्र, गोविंदाने कोमलसोबतच्या अफेअरच्या अफवा फेटाळून लावल्या आहेत.

स्रोत: मूळ बातमी