आजकाल सोशल मीडिया, शिक्षण, नोकरी, फॅशन किंवा मनोरंजन अशा प्रत्येक क्षेत्रात Gen Z या पिढीची जोरदार चर्चा सुरू असते. बदलत्या काळानुसार तरुणाईची विचार करण्याची पद्धत, जीवनशैली आणि आवडीनिवडीही बदलत आहेत. सोशल मीडियावर ट्रेंड होणाऱ्या गोष्टींपासून ते पार्टीमधील गाण्यांपर्यंत Gen Z चा स्वतःचा एक वेगळा अंदाज पाहायला मिळतो. याच नव्या पिढीचा मूड लक्षात घेऊन आता एक खास गाणं प्रेक्षकांच्या भेटीला येणार आहे.
‘यू आर ट्रेंडिंग इन माय हार्ट’ गाण्याची चर्चा
‘यू आर ट्रेंडिंग इन माय हार्ट’ असं या नव्या गाण्याचं नाव आहे. नावाप्रमाणेच या गाण्यात Gen Z चा अंदाज, प्रेमाची भावना आणि आजच्या तरुणाईची भाषा अनुभवायला मिळेल. विशेष म्हणजे, पार्टीमध्येही हमखास वाजेल आणि तरुणाईला थिरकायला लावेल, अशा स्वरूपाचं हे गाणं आहे. हे गाणं उद्या ११ नोव्हेंबर रोजी दुपारी २ वाजता रिलीज होणार आहे.
लेखन, संगीत आणि गायन
या गाण्याचं आणखी एक खास वैशिष्ट्य म्हणजे पत्रकारितेच्या क्षेत्रात कार्यरत असलेले संपादक उमेश कुमावत यांनी या गाण्याचं लेखन केलं आहे. इतकंच नाही तर गाण्याचं संगीत संयोजन अर्थात कम्पोझिशनही त्यांचंच आहे आणि गायनही त्यांनीच केलंय. त्यामुळे प्रदर्शनाआधीच या गाण्याची सगळीकडे तुफान चर्चा रंगली आहे. पत्रकारितेच्या क्षेत्रात कार्यरत असलेल्या उमेश कुमावत यांचा हा संगीत क्षेत्रातील वेगळा प्रयोग ठरणार आहे.
आजच्या तरुणाईला आकर्षित करणारी गाणी, नवं संगीत आणि हटके शब्दांची विशेष क्रेझ आहे. सोशल मीडियावर एखादं गाणं ट्रेंड झालं की, ते काही वेळातच तरुणाईच्या प्लेलिस्टमध्ये स्थान मिळवतं. या गाण्यातही तरुणाईमध्ये वापरल्या जाणाऱ्या शब्दांचा चपखलपणे वापर करण्यात आला आहे. विशेष म्हणजे हे गाणं सोशल मीडियावरही तुफान चर्चेत येणार, असा विश्वास व्यक्त केला जातोय.
‘यू आर ट्रेंडिंग इन माय हार्ट’ हे गाणं यूट्यूबवर प्रदर्शित होणार आहेच, पण त्याचसोबत स्पॉटिफाय, गाना, ऍपल म्युजिक, जिओ सावन या म्युझिक प्लॅटफॉर्मवरही ऐकायला मिळणार आहे.
स्रोत: मूळ बातमी
Leave a Reply