दिवाळीच्या पहिल्याच दिवशी ठाण्यात एका जुन्या इमारतीतील स्लॅब कोसळल्याची घटना घडली. रविवारी सकाळी नऊ वाजण्याच्या सुमारास वर्तकनगर येथील शिवाईनगर परिसरातील गणराज सोसायटीमध्ये दुसऱ्या मजल्यावरील स्लॅब पहिल्या मजल्यावर कोसळला. ही इमारत चार मजल्यांची असून सुमारे २४ वर्षे जुनी आहे. स्लॅब कोसळल्यानंतर पहिल्या आणि दुसऱ्या मजल्यावरील काही रहिवासी अडकले होते. गणराज सोसायटी गजानन महाराज मठाशेजारी आहे.
संयुक्त बचावकार्य
घटनेची माहिती मिळताच अग्निशमन दलाचे जवान, ठाणे आपत्ती प्रतिसाद दलाचे पथक, आपत्ती व्यवस्थापन कक्षाचे कर्मचारी आणि वर्तकनगर पोलिस घटनास्थळी दाखल झाले. महापालिकेच्या दोन रुग्णवाहिकाही तैनात करण्यात आल्या होत्या. संबंधित पथकांनी एकत्रितपणे बचावकार्य राबवत अडकलेल्या नऊ रहिवाशांना सुरक्षित बाहेर काढले.
सुटका झालेल्या रहिवाशांची नावे
सुटका करण्यात आलेल्यांमध्ये सूर्यकांत घाग (७०), सुधा घाग (६५), दीप्ती घाग (४०), वेद घाग (१८), प्रदीप गराटे (५२), प्रगती गराटे (४९), प्रसाद गराटे (२६), सरीस चौधरी (४६) आणि दत्ता (७६) यांचा समावेश आहे. ही माहिती आपत्ती व्यवस्थापन कक्षाने दिली असून, घटनेनंतर परिसरात खळबळ उडाली.
स्रोत: मूळ बातमी
Leave a Reply