बॉलिवूडची धकधक गर्ल म्हणून ओळखल्या जाणाऱ्या माधुरी दीक्षित यांच्या कुटुंबाचा एक फोटो सध्या सोशल मीडियावर प्रचंड व्हायरल होत आहे. नुकतीच पार पडलेल्या मनीष मल्होत्रा यांच्या भव्य दिवाळी पार्टीत माधुरी कुटुंबासह सहभागी झाल्या होत्या. या पार्टीत माधुरी आणि पती श्रीराम नेने यांच्यासोबत त्यांचा मोठा मुलगा अरिनही उपस्थित होता. मात्र सर्वांचे लक्ष अरिनसोबत असलेल्या त्याच्या गर्लफ्रेंड खुशीकडे वेधले गेले.
कुटुंबासोबत फोटो, चर्चांना उधाण
पापाराझींसमोर पोज देताना अरिनसोबत खुशीही दिसली. यावेळी अरिन खुशीकडे एकटक पाहताना दिसला. रेड कार्पेटवर आणि पार्टीच्या आतही दोघे एकमेकांसोबत आनंदाने पोज देत होते. एवढेच नाही, तर अरिन आणि खुशीने माधुरी आणि नेने यांच्यासोबत कौटुंबिक फोटोही काढले. त्यामुळे दोघांच्या नात्याला कुटुंबाची पसंती मिळाल्याचे स्पष्ट होत असल्याची चर्चा सुरू आहे. त्यानंतर श्रीराम नेने यांनी सोशल मीडियावर दिवाळी पार्टीचे काही फोटो शेअर केले. ते फोटोही मोठ्या प्रमाणात व्हायरल झाले आहेत.
फोटो शेअर करताना नेने यांनी आनंदी चेहरे, हास्य आणि सुंदर आठवणींनी भरलेली संध्याकाळ असल्याचे म्हटले. तसेच सर्वांना अशा खास अंदाजात एकत्र आणल्याबद्दल त्यांनी मनीष मल्होत्रा यांचे आभार मानले.
खुशी कोण आहे?
सोशल मीडियावर आता खुशीबाबत प्रचंड उत्सुकता दिसून येत आहे. तिच्या पार्श्वभूमीबाबत आणि व्यावसायिक आयुष्याबाबत अद्याप फारशी माहिती समोर आलेली नाही. मात्र मनीष मल्होत्रा यांच्या एवढ्या मोठ्या स्टार-स्टडेड पार्टीत नेने कुटुंबासोबत तिच्या उपस्थितीची जोरदार चर्चा सुरू आहे. खुशी आणि अरिन अमेरिकेत एकत्र शिक्षण घेतात. दोघांनी एकत्र घालवलेल्या क्षणांचे अनेक फोटोही शेअर केले आहेत. अरिन हा माधुरी आणि श्रीराम नेने यांचा मोठा मुलगा आहे. याआधी त्याने करण जोहर यांच्या रॉकी और रानी की प्रेम कहानी या चित्रपटात सहाय्यक दिग्दर्शक म्हणून काम केले होते. माधुरी आणि श्रीराम नेने यांना अरिन आणि रयान अशी दोन मुले आहेत. अरिन हा मोठा, तर रयान छोटा मुलगा आहे. अरिन बहुतांश वेळा प्रसिद्धीच्या झोतापासून दूर राहिला आहे.
स्रोत: मूळ बातमी
Leave a Reply