विकासाच्या नावाखाली हजारो झाडांची कत्तल होत असेल, तर आम्ही शंभर टक्के विरोधात उतरणार, असा इशारा विवेकानंद पाटील यांनी दिला आहे. पुण्यातील आंदोलनानंतर त्यांनी संबंधित ठिकाणी जाऊन पाहणी केली. जंगलात गेलो असता तिथे मोठ्या प्रमाणात वृक्षतोड झाल्याचे दिसल्याचे त्यांनी सांगितले. महाराष्ट्रात क्रांती घडवायची असेल, तर महाराष्ट्रात विकास झाला पाहिजे आणि त्यासाठी विविध कंपन्या आल्या पाहिजेत, असेही ते म्हणाले.
पंतप्रधानांच्या घोषणेचा दाखला देत टीका
शाळेच्या पुस्तकात झाडे तोडू नका असे शिकवले जाते आणि सरकार भिंतीवर झाडे लावा असे लिहिते, असे पाटील म्हणाले. पंतप्रधान एक पेड माँ के नाम म्हणायचे आणि सारं जंगल बाप के नाम करायचे, अशा शब्दांत त्यांनी टीका केली. गुजराती लोकांना कुठल्याही प्रकारच्या प्रकल्पाला थारा देणार नाही, असेही त्यांनी सांगितले. राज्यकर्त्यांनी महाराष्ट्राला गुजरातच्या दावणीला बांधण्याचे षडयंत्र रचले आहे, असा आरोप त्यांनी केला. २४ प्रकल्प आहेत आणि त्यात फक्त गुजराती लोक आहेत, एकही मराठी माणूस नाही, असे त्यांचे म्हणणे आहे. मुख्यमंत्री देवेंद्र फडणवीस म्हणतात की ३४ हजार झाडे तोडली जातील आणि ९० हजार झाडे लावली जातील. २०१६ मध्ये ३३ हजार कोटींच्या प्रकल्पासाठी झाडे आम्हाला मोजून दाखवा, झाडे कुठे लावली आहेत, असा सवाल त्यांनी केला.
पर्यावरण आणि रोजगारावर सवाल
मुख्यमंत्री म्हणतात की येणाऱ्या पिढ्यांना दुष्काळ बघू देणार नाही, मात्र आज डोळ्यांनी दुष्काळ पडत असल्याचे उत्तर कोण देणार, असा सवाल पाटील यांनी केला. पर्यावरण मंत्र्यांची प्रतिक्रिया पाहिली तर ते पर्यावरण खात्यामधील नाहीत, असे ते म्हणाले. प्रकल्पाबद्दलचे प्रवक्ते माझ्यासमोर उभे करा, मी पर्यावरणाचे फक्त चार कायदे विचारेन, एक तरी सांगता आले तर परत मी व्यासपीठावर दिसणार नाही, असे आव्हानही त्यांनी दिले. भीमाशंकरमध्ये शेकरू सापडत असल्याचे त्यांनी सांगितले. गोकुळ दुधाला चार नामनिर्देश सदस्य दिले, तसे करता येईल म्हणून का तुला शेकरू नाव दिले, असा सवाल त्यांनी केला. वीज प्रकल्पात मोठ्या प्रमाणात रोजगार मिळणार, पण सांगता येत नाही, असेही ते म्हणाले. सरकार विकासाच्या नावाखाली फक्त झाडे तोडत आहे, झाड खायचा भसम्या रोग झाला आहे, असे म्हणत त्यांनी या प्रकल्पाला शेवटपर्यंत विरोध झाला पाहिजे, अशी भूमिका मांडली. गांधीगिरी सरकारला खपत नाही, म्हणून मी शब्दांचे ब्रह्मास्त्र बाहेर काढतो, असे ते म्हणाले. ही मराठी माणसांकडून चालवलेली चळवळ असून सह्याद्रीमध्ये या प्रकल्पाला एकही वीट उभी राहू देणार नाही, असे त्यांनी सांगितले. आत्महत्या कोणीही करू नका, लढण्याच्या मागे कोणी उभा राहिला नाही तरी मराठी माणूस राहतो, असेही ते म्हणाले.
स्रोत: मूळ बातमी
Leave a Reply