शाळेतील अभ्यासाचा ताण कमी करण्यासाठी एका शिक्षकाने वर्गातच विद्यार्थ्यांसोबत धमाल डान्स केला. शिक्षकाने वर्गातील तणावपूर्ण वातावरण बदलून टाकले आणि वर्ग चक्क डान्स फ्लोअर बनला. बेंचवर चढून चिमुकल्यांनीही मनसोक्त डान्स केला. शिक्षक आणि विद्यार्थ्यांमधील हा आनंदाचा क्षण सोशल मीडियावर व्हायरल झाला आहे.
नेटकऱ्यांनी केले भरभरून कौतुक
व्हिडिओ समोर आल्यापासून नेटकऱ्यांनी शिक्षकाच्या उपक्रमाचे भरभरून कौतुक केले आहे. सततच्या अभ्यासामुळे विद्यार्थ्यांवर येणारा ताण कमी करण्यासाठी अशा मनोरंजक क्षणांची गरज असते, असे अनेकांनी म्हटले आहे. त्यामुळे मुलांना थोडा विरंगुळा मिळतो, त्यांचा मूड फ्रेश होतो आणि ते नव्या उत्साहाने पुन्हा अभ्यासात रमू शकतात, अशी प्रतिक्रिया अनेकांनी दिली आहे.
अभ्यासाच्या धावपळीत विरंगुळा गरजेचा
शिक्षकाची भूमिका केवळ विद्यार्थ्यांना पुस्तकी ज्ञान देण्यापुरती मर्यादित नसते, तर त्यांच्या चेहऱ्यावर आनंद फुलवणे आणि त्यांना आनंदाचे क्षण देणेही तितकेच महत्त्वाचे असते. याच गोष्टीची प्रचिती या व्हिडिओतून येत असून, सोशल मीडियावर शिक्षकांचे भरभरून कौतुक केले जात आहे. एका नेटकऱ्याने ‘यालाच म्हणतात खरी समजदारी’, अशा शब्दांत शिक्षकांचे कौतुक केले आहे.
स्रोत: मूळ बातमी
Leave a Reply