वर्षातील सर्वात मोठा सण असलेली दिवाळी आता अवघ्या काही तासांवर येऊन ठेपली आहे. त्यामुळे नोकरदार वर्गाला वेध लागले आहेत ते कंपनीकडून मिळणाऱ्या दिवाळीच्या भेटवस्तूचे. ज्या कर्मचाऱ्यांना भेटवस्तू मिळाल्या आहेत, त्यांनी त्याचे व्हिडीओ सोशल मीडियावर शेअर करत आपल्या कंपनीचे कौतुक केले आहे. तर ज्यांना अद्याप भेट मिळालेली नाही, ते अजूनही त्याची आतुरतेने वाट पाहत आहेत.
सोनपापडीऐवजी बिस्किटाचा पुडा
दिवाळीच्या भेटवस्तूमध्ये सोनपापडीचा बॉक्स हा अनेकांच्या मते सर्वात स्वस्त आणि ठरलेला पर्याय मानला जातो. मात्र काही कंपन्यांनी तर सोनपापडीच्या पुढे जात कर्मचाऱ्यांना बिस्किटाचा पुडा भेट म्हणून दिला आहे. एका कंपनीच्या भेटवस्तूचा व्हिडीओ सध्या सोशल मीडियावर मोठ्या प्रमाणावर फिरत आहे. भव्य आणि आकर्षक बॉक्स उघडल्यावर त्यात अवघा पाच रुपयांचा बिस्किटाचा पुडा असल्याचे दिसून आले. बॉक्सवरील लाखोंचा थाट आणि आतमध्ये पाच रुपयांचा पुडा पाहून कर्मचाऱ्यांचे चेहरे पाहण्यासारखे झाले.
सोशल मीडियावर चर्चा
या व्हिडीओवर सोशल मीडियावर मोठी चर्चा सुरू झाली आहे. कर्मचाऱ्यांची अवस्था पाहून अनेकांना त्यांची दया आली आहे. दिवाळीसारख्या सणाला कर्मचाऱ्यांना दिल्या जाणाऱ्या भेटवस्तूबाबत कंपन्यांनी अधिक संवेदनशील असायला हवे, अशी भावना अनेकांनी व्यक्त केली आहे. दुसरीकडे, काही कर्मचाऱ्यांना मिळालेल्या चांगल्या भेटवस्तूंचे व्हिडीओही सोशल मीडियावर फिरत असून, त्यातून कंपन्यांमधील फरक स्पष्टपणे दिसून येत आहे.
स्रोत: मूळ बातमी
Leave a Reply