बिग बॉस: जवळीक पाहून गर्लफ्रेंड भावूक, नाते तुटले?

अभिनेता सलमान खान याचा वादग्रस्त रिअ‍ॅलिटी शो बिग बॉस आता चांगलाच रंगात आला आहे. स्पर्धकांमधील वाद चव्हाट्यावर येत असून काही स्पर्धकांच्या खासगी आयुष्यातही मोठे वादळ आले आहे. बिग बॉस २० मध्ये पंजाबी अभिनेत्री लव्ह गिल आणि गेमर स्काउट यांच्यातील ऑनस्क्रीन केमिस्ट्रीमुळे सर्वत्र खळबळ माजली आहे. दोघांच्या नात्यावर अनेकांनी प्रश्नचिन्ह उपस्थित केले आहे. सलमान खान आणि रोहित शेट्टी यांनीही दोघांना चांगलेच सुनावले आहे.

काशवीची नाराजी

लव्ह गिलसोबतची वाढती जवळीक पाहून स्काउटची गर्लफ्रेंड काशवी हीरानंदानी भावूक झाली आहे. तिने शोमध्ये येऊन स्काउटला स्पष्ट शब्दांत सांगितले होते की, त्याने लव्हपासून लांब राहावे. मात्र गर्लफ्रेंडने बजावल्यानंतरही स्काउट दोन दिवसांनंतरच लव्ह गिलसोबत पुन्हा शोमध्ये हसत-खेळत दिसून आला. नुकताच झालेल्या एका भागात स्काउटने हे स्वीकारले की, त्याला लव्ह गिलसोबतच आनंद मिळतो आणि बाहेर गेल्यानंतरही तो तिची साथ सोडणार नाही. त्यानंतर लव्ह आणि स्काउट पुन्हा एकमेकांसोबत शारीरिकदृष्ट्या जवळ येऊन मस्ती करताना दिसले, ज्यामुळे स्काउटला सोशल मीडियावर जोरदार ट्रोलही केले जात आहे.

ब्रेकअपच्या चर्चा

लव्ह गिलसोबतच्या नात्यामुळे स्काउटची गर्लफ्रेंड काशवी हिने पाच वर्षांचे नाते संपवण्याचा निर्णय घेतल्याचे सांगितले जात आहे. एका लाइव्ह स्ट्रीमदरम्यान काशवीने चाहत्यांना सांगितले की, त्यांनी शोला शोच्या दृष्टीने पाहावे आणि मनोरंजनाचा आनंद घ्यावा. लव्ह आणि स्काउटबद्दल होणाऱ्या चर्चांकडे जास्त लक्ष देऊ नये, अशी विनंतीही तिने केली, कारण त्यांच्या कमेंट्समुळे या गोष्टींना आणखीनच हवा मिळते. सध्या सर्वत्र फक्त काशवी आणि स्काउट यांच्या नात्याच्या चर्चा रंगल्या आहेत.

स्रोत: मूळ बातमी