पंढरपूर येथे ग्रामविकासमंत्री तथा पालकमंत्री जयकुमार गोरे यांच्या वाढदिवसानिमित्त आयोजित करण्यात आलेल्या ‘पालकमंत्री जया भाऊ चषक २०२६’ क्रिकेट स्पर्धेचा थाटात समारोप झाला. पंढरपूरच्या ४०१६ क्रिकेट क्लबने या स्पर्धेचे विजेतेपद पटकावले, तर धाराशिवच्या मातोश्री क्रिकेट क्लबला उपविजेतेपदावर समाधान मानावे लागले.
स्पर्धेचे आयोजन पंढरपूर येथील विश्वभूषण डॉ. बाबासाहेब आंबेडकर मैदानावर करण्यात आले होते. स्पर्धेत सांगलीच्या स्वयंभू क्रिकेट क्लबने तृतीय क्रमांक, तर पारनेरच्या राजनंदिनी दोस्ती क्रिकेट क्लबने चतुर्थ क्रमांक मिळवला. विजेत्या आणि उपविजेत्या संघांना आकर्षक चषक आणि रोख बक्षिसे देऊन गौरविण्यात आले.
बक्षीस वितरण सोहळा
बक्षीस वितरणाचा सोहळा आमदार समाधान आवताडे यांच्या हस्ते पार पडला. यावेळी अभिराज उबाळे यांच्यासह अनेक मान्यवर उपस्थित होते.
या कार्यक्रमाला माजी नगराध्यक्ष वामन बंदपट्टे, नानासाहेब कदम, पैलवान सिद्धनाथ कोरे, परवेज मुजावर, कनिष्क सर्वगोड, मुन्ना बागवान, प्रतीक सर्वगोड, आकाश बंदपट्टे, गणेश उबाळे, आशिष उबाळे, संतोष डोंगरे, शंकर सुरवसे, इम्रान मनेरी, गणेश साळुंखे, ॲड. किशोर खिलारे, दिनेश पांढरे, लाला पेंटर, सचिन कांबळे, गुरु दोडिया आणि सचिन बंदपट्टे उपस्थित होते.
स्रोत: मूळ बातमी
Leave a Reply