दिवाळीच्या सुट्टीत प्रवाशांची वाढती गर्दी लक्षात घेऊन मध्य रेल्वेने मुंबई आणि नागपूर दरम्यान विशेष गाड्या चालवण्याचा निर्णय घेतला आहे. या गाड्यांसाठी आरक्षण बुधवार, ४ नोव्हेंबरपासून खुले झाले आहे. या सेवांसाठी नेहमीच्या भाड्याव्यतिरिक्त विशेष शुल्क आकारले जाणार आहे.
लोकमान्य टिळक टर्मिनस–नागपूर विशेष गाड्या
गाडी क्रमांक ०१०८३ लोकमान्य टिळक टर्मिनस ते नागपूर या मार्गावर ६, ८, ११ आणि १३ नोव्हेंबर रोजी धावेल. ही गाडी सायंकाळी ५ वाजून ५ मिनिटांनी सुटून दुसऱ्या दिवशी सकाळी ७ वाजता नागपूरला पोहोचेल. परतीची गाडी क्रमांक ०१०८४ नागपूरहून ५, ७, १० आणि १२ नोव्हेंबर रोजी दुपारी १ वाजून ३० मिनिटांनी सुटेल आणि दुसऱ्या दिवशी सकाळी ६ वाजून १५ मिनिटांनी लोकमान्य टिळक टर्मिनसला पोहोचेल. या गाडीला वर्धा, धामणगाव, बडनेरा, अकोला, शेगाव, मलकापूर, भुसावळ, जळगाव, चाळीसगाव, नाशिक रोड, इगतपुरी, कल्याण आणि ठाणे येथे थांबे देण्यात आले आहेत.
छत्रपती शिवाजी महाराज टर्मिनस–नागपूर विशेष गाड्या
गाडी क्रमांक ०१०८५ छत्रपती शिवाजी महाराज टर्मिनस ते नागपूर या मार्गावर ७ आणि ९ नोव्हेंबर रोजी दुपारी ३ वाजून २५ मिनिटांनी सुटेल आणि दुसऱ्या दिवशी सकाळी ७ वाजता नागपूरला पोहोचेल. परतीची गाडी क्रमांक ०१०८६ नागपूरहून ८ आणि १० नोव्हेंबर रोजी दुपारी १ वाजून ३० मिनिटांनी सुटेल आणि दुसऱ्या दिवशी सकाळी ५ वाजून २५ मिनिटांनी छत्रपती शिवाजी महाराज टर्मिनसला पोहोचेल. या गाडीला दादर, ठाणे, कल्याण, इगतपुरी, नाशिक रोड, चाळीसगाव, जळगाव, भुसावळ, मलकापूर, शेगाव, अकोला, बडनेरा, धामणगाव आणि वर्धा येथे थांबे असतील.
स्रोत: मूळ बातमी
Leave a Reply