तामिळनाडूतील तिरुपत्तूर जिल्ह्यात एक विचित्र रेल्वे घटना घडली आहे. जोलारपेट्टई रेल्वे स्थानकाच्या यार्डमध्ये उभी असलेली मालगाडी अचानक इंजिनशिवाय पुढे जाऊ लागली. तिचे सात रिकामे डब्बे तब्बल सहा किलोमीटरपर्यंत रुळांवरून सरकत गेले.
मुख्य मार्गावर पोहोचले, मग घसरले
विशेष म्हणजे, या डब्यांना कोणतेही इंजिन जोडलेले नव्हते. तरीही ते रुळांवरून पुढे सरकत मुख्य रेल्वे मार्गावर पोहोचले. त्यानंतर हे सातही डब्बे रुळांवरून घसरले. या घटनेमुळे रेल्वे प्रशासनाची धावपळ उडाली.
बंगळुरू-चेन्नई मार्गावरील वाहतूक विस्कळीत
या अपघाताचा परिणाम बंगळुरू-चेन्नई रेल्वे मार्गावरील वाहतुकीवर झाला. काही रेल्वे गाड्यांच्या वाहतुकीत अडथळा निर्माण झाला, त्यामुळे प्रवाशांनाही त्रास सहन करावा लागला. डब्बे नेमके कसे सरकले आणि घसरले, याबाबत रेल्वे प्रशासनाकडून तपास केला जात आहे.
स्रोत: मूळ बातमी
Leave a Reply