अभिनेत्री मृणाल जाधव हिने बॉलिवूड अभिनेता रितेश देशमुख याच्याबद्दल मोठे विधान केले आहे. रितेश देशमुख नक्की कसा आहे, हे तिने सांगितले असून त्याच्या स्वभावाबद्दल ती बोलली आहे. रितेश देशमुख हा वयाचा विचार करत नाही आणि आपल्यापेक्षा वयाने लहान असलेल्या व्यक्तीलाही तो कायम सन्मान देतो. वयाने लहान असले तरीही तो आदराने तुम्ही म्हणून बोलतो, तू म्हणून अजिबात बोलत नाही. अभिनेता रितेश देशमुख त्याच्या संस्कारांसाठी ओळखला जातो. देशमुख घराणे हे राज्याच्या राजकारणातील मोठे नाव असून दिवंगत नेते आणि राज्याचे माजी मुख्यमंत्री विलासराव देशमुख यांचा मुलगा रितेश आहे. त्याने आतापर्यंतच्या कारकिर्दीत अनेक हिट चित्रपटांत भूमिका केल्या असून त्याची मोठी चाहत्यांची संख्या आहे.
तुम्हीच म्हणणार, हे माझे संस्कार
रितेश देशमुख याच्याबद्दलचा अनुभव सांगताना मृणाल जाधव म्हणाली की, रितेश ज्या पद्धतीने बोलतो, त्याचे संस्कार मनाला भावतात. समोरची व्यक्ती कोण आहे, तिचे स्थान काय आहे, हे न विचारता ते प्रत्येकाला सन्मानपूर्वक तुम्ही म्हणून बोलतात. हेच त्यांच्या स्वभावातील सर्वात खास वैशिष्ट्य आहे, असे ती म्हणाली. एकदा मृणालने रितेशला म्हटले की, दादा, मी तुम्हाला तू म्हणते, मग तुम्ही मला तुम्ही का म्हणता? यावर रितेशने मनाला भावणारे उत्तर दिले. तो म्हणाला, नाही, मी तुम्हाला तुम्हीच म्हणणार. तू मला तू म्हटले तरीही चालेल, पण मी तुला तुम्हीच म्हणणार आहे. हे माझे संस्कार आहेत.
मृणालचा संदेश
रितेशचे हे विधान ऐकताच मृणालला एक गोष्ट कळाली की, तुम्ही आयुष्यात कितीही मोठे व्हा, कितीही शिका, पण आपले संस्कार कधीच विसरले नाही पाहिजेत. प्रत्येकासोबत आदराने बोलण्याची सवय कधीच विसरली नाही पाहिजे, असा संदेश तिने दिला.
स्रोत: मूळ बातमी
Leave a Reply