मुंबईतील वानखेडे स्टेडियमवर आयोजित करण्यात आलेल्या ड्रोन शो दरम्यान मोठी दुर्घटना घडली आहे. एका टेलिकॉम कंपनीकडून आयोजित या शोमध्ये दोन ड्रोनवरील नियंत्रण अचानक सुटले आणि ते थेट चर्चगेट रेल्वे स्थानकाच्या दिशेने गेले.
प्लॅटफॉर्म क्रमांक तीनवर ड्रोन कोसळले
बुधवारी रात्री सुमारे ८.१० वाजण्याच्या सुमारास ही घटना घडली. नियंत्रण सुटलेले दोन्ही ड्रोन चर्चगेट स्थानकाच्या प्लॅटफॉर्म क्रमांक तीनवर कोसळले. त्यातील एका ड्रोनचा धक्का स्थानकात उभ्या असलेल्या एका प्रवाशाला लागला.
या धक्क्यामुळे ३७ वर्षीय हेमंत महोत्सवकर हे प्रवासी जखमी झाले आहेत. स्टेडियमवरील कार्यक्रमादरम्यान घडलेल्या या प्रकारामुळे स्थानक परिसरात काही काळ गोंधळाचे वातावरण निर्माण झाले. या घटनेमुळे स्थानक परिसरात खळबळ उडाली आहे.
स्रोत: मूळ बातमी
Leave a Reply