जगातील काही देशांमध्ये झाडं इतकी कमी का?

जगभरात पर्यावरणाचं संतुलन राखण्यासाठी वृक्षारोपण आणि हरितीकरणाच्या मोहिमा मोठ्या प्रमाणात राबवल्या जात आहेत. तरीही जगात काही देश आणि प्रदेश असे आहेत, जिथे नैसर्गिकरीत्या झाडं आणि हिरवळ अगदी नगण्य प्रमाणात आढळते. या ठिकाणी राहणाऱ्या लोकांना हिरव्या झाडांचं दर्शन दुर्मिळच म्हणावं लागतं.

झाडं कमी असण्यामागची कारणं

वाळवंटी हवामान, अतिशय थंड प्रदेश, खडकाळ जमीन आणि अत्यंत कमी पाऊस ही यामागची प्रमुख कारणं आहेत. अशा नैसर्गिक परिस्थितीमुळे झाडांची वाढ मोठ्या प्रमाणावर होऊ शकत नाही.

ग्रीनलँड, कतार आणि बहरीन

ग्रीनलँडचा बहुतांश भाग बर्फाच्या प्रचंड थरांनी व्यापलेला आहे. तिथलं हवामान इतकं थंड असतं की अनेक भागांमध्ये तापमान शून्याखाली जातं. त्यामुळे मोठ्या झाडांची वाढ होत नाही. उन्हाळ्यात मात्र काही भागांमध्ये गवत, लहान झुडपं आणि इतर वनस्पती पाहायला मिळतात.

पश्चिम आशियातील कतार देशात वाळवंटी हवामान आहे. इथे पाऊस खूपच कमी पडतो आणि उन्हाळ्यात तापमान प्रचंड वाढतं. पाण्याची कमतरता आणि कोरडी जमीन यांमुळे इथली नैसर्गिक जंगलं अत्यंत मर्यादित आहेत.

पर्शियन आखातातील लहान द्वीपराष्ट्र बहरीनमध्येही पावसाचं प्रमाण खूपच कमी आहे. उष्ण आणि कोरड्या हवामानामुळे नैसर्गिक वनसंपदा मर्यादित आहे. मात्र, देशातील काही ठिकाणी लावलेली झाडं आणि उद्यानं पाहायला मिळतात.

स्रोत: मूळ बातमी